Asturies

Andecha Astur convoca pa esti sábadu 27 d'agostu un Actu d'Homenaxe a la Declaración de Soberanía del Conseyu Soberanu, cola qu'Asturies s'independizó de la República Española.

Nel Puertu Tarna, a la 1 del meudí del sábadu 27 d'agostu, nel monolitu comemorativu de la Declaración de Soberanía, tendrá llugar el tradicional actu d’ homenaxe a la Declaración de Soberanía del Conseyu Soberanu por mor de la qu’Asturies s'independizó de la República Española, entamando un auténticu procesu revolucionariu y de reconocencia a nivel internacional que defendió heróicamente coles armes frente al exércitu franquista español y los sos alliaos alemanes.

La convocatoria, qu’añu ente añu venimos calteniendo, supó un compromisu en defensa de la memoria hestoria asturiana como ferramienta imprescindible pa tresformar la rialidá. Agora más que nunca la defensa de la identidá nacional asturiana y de los drechos colleutivos del Pueblu Asturianu ye una necesidá frente a los enfotos asimilacionistes del Estáu español y de los partíos sucursalistes afincaos n'Asturies que, seyan de drecha o izquierda, comparten un mesmu proyeutu estatalista costruyíu enriba los drechos y la voluntá de los Pueblos.

Lleer más...

Asturies

Andecha Astur llama a participar nel manifestamientu antitaurín, entamáu pal domingu 14 d'agostu, por ANADEL, y llama a espresar la refuga escontra esa xabazada inhumana, qu’agrede la nuesa identidá, sensibilidá y humanidá comu presones y comu asturianos.

El vergoñante restu tardofranquista de la Feria Taurina de Begoña, costitúi una espresión españolista de crueldá contraria a la identidá y a la sensibilidá asturiana y de cualisquier mínimu d'humanidá, que namás se caltién en Xixón pol sofitu istitucional que bien recibiendo, tantu de gobiernos d'izquierda comu de drecha que, eso sí, comparten el mesmu sentimientu que lleva a considerar esta espresión de crueldá una amuesa de patrioterismu español.

Lleer más...

Información

Andecha Astur llama a sofitar al Conceyu Noreña énte la nueva agresión colonialista de la Dellegación del Gobiernu español n’Asturies, cola que pretende aparar la inevitable Oficialidá de la nuesa llingua nacional.

Andecha Astur considera que’l requerimientu del Dellegáu del Gobiernu español n’Asturies al Ayuntamientu Noreña pa qu’anule les ordenances d’usu del asturianu nel conceyu, nun ye más qu’un vanu intentu d’aparar l’inevitable procesu de reconocencia llegal de los drechos llingüísticios de los asturianos, qu’entama cola oficialidá de la nuesa llingua nacional. Ello asina fai un llamamientu a la corporación de conceyu pa que resista esta nueva agresión colonialista y caltenga diches ordenances, que suponen la reconocencia de los drechos llingüísticos a los vecinos de Noreña.

Lleer más...

Información

La declaración d’Oficialidá en Bimenes venti años dempués de ser anulada la primera pol gobiernu español ye un desafíu al Estáu y un clamor polos drechos llingüísticos del Pueblu Asturianu.

Na xornada d’ayeri, l’Ayuntamientu Bimenes tornó a declarar la Oficialidá de la llingua asturiana, anulada hai venti años pol TSXA a pitición del gobiernu español, nun auténticu desafíu democráticu col que sabe que ta enfrentándose al propiu Estáu, asumiendo la posible represión xudicial del mesmu.

Lleer más...

Información

Andecha Astur llama a participar nos actos convocaos en Bimenes cola xida de la declaración d'oficialidá de la nuesa llingua nacional.

El Plenu de Conceyu na xornada del 2 de xunetu, renovará la declaración d’oficialidá venti años dempués de la primer declaración, anulada pol TSXA a requerimientu del gobiernu español. Hai que remembrar que'l restu de les declaraciones d'Oficialidá d'otros munchos conceyos asturianos -y mesmamente de les Ordenances Municipales d'Oficialidá aprebaes pel Conceyu Nava  a propuesta d'Andecha Astur, les más completes de toles ordenances asemeyaes esistentes n'Asturies-  tamién foron anulaes a requerimientu de la Dellegación de gobiernu español n'Asturies altricando que xeneraben "allarma social".

Lleer más...

Información

La necesidá de francer coles polítiques del PP nun puen llevamos a pasar por ser un barriu de Madrid

Énte les prósimes elleiciones, estatales a cellebrar esti domingu 26 de xunu, Andecha Astur, que yá espunxo nel so momentu les xides poles que renunció a presentase, fai un llamamientu a la sociedá asturiana a nun participar nes mesmes, y escueye l’astención comu únicu mediu pa reivindicar la so condición d’asturianos/es que nun se plieguen a ser una “provincia” periférica d’esti Estáu centraliegu.

La esistencia d’asemeyancies idiolóxiques con dalgunes de les formaciones polítiques presentaes, y la necesidá de francer coles polítiques del PP, nun xustifica sofitales col votu, ainda más cuandu, comu ye’l casu d’Unidos Podemos, reconoz drechos nacionales a otros Pueblos del Estáu (Galicia, Catalunya, Euskal Herria...) mentes que n’Asturies ensiquiera se lo plantega, llegándose al estremu que na presente campaña dengún de los partíos que participen nes elleiciones lleva propuesta concreta dala que tea en cuenta la rialidá d’Asturies, llimitándose nel meyor de lo casos a aplicar un calcu de les sos propuestes polítiques estatalistes, y la mayor parte de les vegaes omitiendo faer referencia al nuesu país.

Lleer más...

Información

Andecha Astur responsabiliza al “Principado” de la situación xenerada alrodiu’l llobu.

El “Principado” propicia esta situación pola so falta d’una política consensuada sol tema y de pasu propicia l’enfrentamientu ente ganaeros y ecoloxistes, xenerando una polémica cola que desvía l’atención del braeru problema.

Esi problema nun ye otru que la costante inhibición del “Principado” énte la situación de descontrol de la población de llobos. En rialidá ye’l principal beneficiariu de la polémica que tien entamada alrodiu del llobu, distrayendo l’atención de l’esfarrapamientu del seutor agrícola-ganaeru asturianu, al que caltién nuna situación de precariedá inaceutable mentes lu criminaliza por fechos comu estos, consecuencia de la situación de desesperu na que s’afayen los ganaeros asturianos, y de la incapacidá d’espresar esa frustración nos términos políticos afayaízos, desixendo responsabilidaes a los “llobos de dos pates”, esos que tan na Xunta Xeneral.

Lleer más...

Banner