Un Díi de la Nación Asturiana en clave de Socialismu y Soberanía

Paulo Arboleya intervino nel actu políticu entamáu por Andecha Astur, que finó con una suelta globos faciendo l’asturina, y continuó amiestándose al manifestamientu “Ganar la cai, faciendo país” que percorrió les cais d’Uviéu

VER INTERVENCIÓN POLÍTICA DE PAULO ARBOLEYA

Nun ambiente onde s’alendaba l’enfotu de los asistentes, la intervención política de Paulo Arboleya resultó especialmente didáutica, desplicando lo que ye’l Díi de la Nación Asturiana, l’apueste pola Soberanía y el Socialismu, la denuncia del sucursalismu españolista y la xunidá del soberanismu asturianu dende’l respetu a la diferencia y les dinámiques propies “El fechu de que esistan movimientos, qu’entamen otros actos, nun quita pa que les organizaciones podamos seguir faciendo actos propios, dientru la nuesa dinámica,  onde faigamos publiques les nueses revindicaciones particulares, y a la mesma vegá, poder participar n’actos xunitarios onde se revindiquen los drechos del nuesu Pueblu coles que tamos d´alcuerdu, pero, como nesti casu, que nun consideren el 8 setiembre comu Dii de la Nación Asturiana, o bien nun lo faen públicamente. El fechu de qu’hebia diferencies nun tien que dixebramos, sinon que tien que llevamos a ver precisamente la necesida de esos llugares comunes pal alcuentru y la lliberta de caún pa facer visible por sigo  mesmu los sos plantegamientos propios, siempres dende’l respetu.”

Na so intervención nun faltaron oxetivos, nin tampocu autocrítica, marcando una llinia política a siguir “creyemos que la solución d’estos problemes pasa pola soberania y el socialismu, lo importante ye reflexonar de cómu podemos llevar a la mayoría del Pueblu Trabayaor Asturianu a les nueses posiciones politiques y reflexonar sobro la nuesa incapacidá, como  movimientou nacionaliegu asturianu , tantu dende Andecha Astur como d´otres muerganizaciones individuales o xunitaries, de ser capaces de calar na sociedá que dicimos representar y que mos vean como una ferramienta al so serviciu, que seya capaz de tresformar esti país, comu digo dende la soberanía y el socialismu.”

Con un llamamientu al trabayu en comuña “Y ye ehi,  compañeros y compañeres,  onde tenemos que esforciamos  y ser xenerosos pa encadarmar un movimientu onde toos y toes mos sintamos minimamente comodos pa poder trabayar en comuña, pa poder trabayar en Andecha.”

Pa finar con un llamamientu a la llucha y el llabor “Si el presente ye de llucha el futuru ye de nueso.”

                        

Dempués de la intervención de Paulo Arboleya, procedióse a la suelta globos conformando una asturina, na plaza La Catedral, p’amestase más llueu al manifestamientu entamáu baxo’l llema “Ganar la cai, faciendo país” que percorrió les cais d’Uviéu, dando a cabu a un Díi de la Nación Asturiana, onde Andecha Astur fexo que la Soberanía y el Socialismu toviere’l debíu protagonismu, no que ye un proyeutu de futuru y tresformación social.

   

 

 

Soberanía y Socialismu nel Díi de la Nación Asturiana

Andecha Astur convoca un actu políticu n’Uviéu nel Díi de la Nación Asturiana.

Con un mensaxe bien nidiu, desixendo la Soberanía que mos correspuende comu Pueblu, que mos permita ser los auténticos protagonistes del nuesu presente y futuru, y el Socialismu comu referente d’igualdá social y progresu, Andecha Astur convoca pa esti 8 setiembre, Díi de la Nación Asturiana, una concentración na Plaza la Catedral d’Uviéu a les 12:30 la mañana, ónde, tres l’ actu políticu, partiráse en manifestamientu fasta’l Parllamentu Asturianu na cai Fruela, p’amestase al manifestamientu soberanista convocáu esi mesmu díi a les 13 hores.


Porque’l Díi de la Nación Asturiana tien de ser necesariamente una xornada de reivindicación na que los asturianos y asturianes manifestemos la nuesa voluntá de superar l’actual marcu socio-políticu col que l’Estáu español mos conderga al asimilacionismu cultural, la precariedá llaboral, la emigración forciada de la mocedá, y n’últimu términu al esfarrapamientu del texíu socioeconómicu y políticu asturianu y l’esanicie de la nuesa identidá comu Pueblu. Andecha Astur fai un llamamientu al conxuntu de la sociedá asturiana a movilizase y a facer pública la so voluntá de lluchar por un futuru meyor, nel que los asturianos y asturianes seyamos los auténticos protagonistes de la nuesa hestoria, recuperando la Soberanía que mos correspuende y avanzando haza una sociedá de xusticia social ya igualdá.

Frente les convocatories que pretenden faer del Díi de la Nación Asturiana una xornada folixera valera de sentíu y conteníos, Andecha Astur fai una convocatoria nacional, reivindicativa y xunitaria nesti Díi de la Nación Asturiana baxo’l llema Soberanía y Socialismu.

Xueves 8 setiembre, 12:30 hores. Plaza la Catedral. Uviéu.

TAMOS TRABAYANDO NA NUEVA UEB

 
 
   
  andechainfo@gmail.com