Informe “Asturies inundao”

Selmana del 21 al 27 de Xineru de 2019

  

La Confederación Hidrográfica del Cantábricu (CHC) depende’l Ministeriu español pa la la Transición Ecolóxico, dirixíu anguañu por Teresa Ribera Rodríguez (PSOE).

Dende xunetu de 2018 la CHC ta presidía por Manuel Gutiérrez García. Esti presidente fore, enantes, direutor xeneral de Calidá Ambiental nel gobiernu’l PSOE n’Asturies.

El Gobiernu asturianu, demientres los díes de fuertes lluvies de xineru de 2019 tuvo d’activar en fase d’emerxencia’l Plan d’Inundaciones d’Asturies (PLANIPA) en situación 0. Y llegó tener más de 11 ríos en prealerta o alerta: Esva, Noreña, Nora, Negro, Narcea, Nalón, Raíces, Porcía, Linares, Piloña, Sella...; amás d’otros que tamién se desbordaron y nun se contabilizaron: comu’l casu’l ríu Piloña en Xixón, el Deva, el Trubia...

La CHC caltién que la llimpieza los ríos ye competencia de los conceyos la so demarcación, sobro too nes fasteres urbanes. Pero la CHC tamién reconoz qu’ello nun quita pa que la CHC faiga «el mayor de los esfuercios y collabore con ellos en tolo que seya posible». Sicasí, son munchos los conceyos asturianos que denuncien, que tres abegosos engarros xudiciales, cargóse enriba ellos la responsabilidá de la llimpieza los calces fluviales, pero l’Estáu español ñegóse a dotar a los conceyos colos recursos económicos afayaízos p’atender esa competencia.

En payares de 2018 la CHC entamó un plan de llimpieza y caltenimientu de calces pa prevenir posibles riaes y situaciones de riesgu n’Asturies. Un plan que se dotó con 600.000 euros y que permitiría facer 151 actuaciones en 59 conceyos con tres equipos contrataos de la percustioná empresa pública Tragsa (perteneciente a la SEPI, Sociedá Estatal de Participaciones Industriales).

Nestos dos meses y mediu de vixencia’l plan, magar ser dómina de previsibles lluvies fuertes y riaes, fexéronse actuaciones namái qu’en 16 conceyos y gastóse una partía de sólo 160.000 euros del presupuestu empobináu a estes xeres. Eses intervenciones afeutaron namái a 10 de los 78 conceyos qu’integren la nación asturiana: Onís, Cangas del Narcea, Castrillón, Teberga, Colunga, A Veiga, Mieres, Nava, Quirós y Somiedu.

Pero agora, tres les inundaciones, en xineru de 2019, la CHC reconoz qu’entá tien ensin invertir 440.000 euros, ¡¡¡el 74% del presupuestu’l plan!!! Ta ñidio: si tou esi presupuestu s’invirtiere enantes, los daños sufríos n’Asturies foren munchos menos.

 

Daños xenerales

Les inundaciones obligaron a pesllar n’Asturies 29 centros educativos, varies industries (central térmica de Lada, Mantequeríes Arias, polígonu d’Olloniego, acesos a la Química’l Nalón), 26 carreteres, a la evacuación y pieslle (otra vegá más) del Hospital Francisco Grande Covián (Les Arriondes, Parres), al pieslle’l Centru Salú d’Urbiés (Mieres)...

Nel hospital de Les Arriondes suspendiéronse 630 consultes y 16 operaciones quirúrxiques.

De les 470 carreteres de titularidá asturiano, 203 viéronse afeutaes por estes inundaciones; en 26 d’elles resultó obligao torgar dafechamente’l tráficu. A too ello hai d’amestar los efeutos na rede carreteres llocales.

Les asturianes y asturianos fexeron 2.205 llamaes a los teléfonos oficiales d’atención d’emergencias, demientres estos díes d’inundaciones de xineru.

Otros daños:

  • Esbarrumbu’l pantalán del desembarque del Descensu’l Sella (Ribesella).
  • Inundación de la estación depuraora de Pendueles-Buelna (Llanes).
  • Inundación del paséu Cangues d’Onís-Villanueva (Cangues d’Onís).
  • Inundaciones na collación de Pinzales (Xixón). Los informes y les quexes sol mal estáu de conservación del ríu Pinzales surdieron de contino dende 2005, y foi motivu repitíu de denuncia vecinal (AAVV Puao, AAVV San Andrés los Tacones). La rempuesta istitucional siempres foi’l silenciu.
  • Inundaciones na llocalidá de Frieres, por mor de la falta llimpieza y mal estáu del regatu al que s’empobina l’agua’l rebosaeru de la depuradora d’agües residuales asitiá en Frieres (Llangréu). El Conceyu Llangréu (IU-Podemos) desixó agora midíes a la CHC para torgar nuees inundaciones en Frieres.
  • Desapaición (por arrastre fluvial) de parte la carretera la playa de Cuevas de la Mar, en Nueva (Llanes).
  • Evacuación de la Residencia Xeriátrica Castañera, en Les Arriondes (Parres).

 

Daños a particulares. Un exemplu.

Hermenegildo González, un vecín de la llocalidá sierense de Santa Marina los Cuquiellos, anunció que va denunciar a la Confederación polos daños que ta sofriendo’l so llar por mor de les obres de la carretera AS-17, que disviaron el trazáu d’un calce. «Dende 2004 entróme l’agua en casa tres vegaes».

Ésti ye sólo un exemplu de los munchos disponibles, pero casos comu ésti preben que la CHC nun cumple coles obligaes xeres de prevención nin toma, tres les traxedies, les necesaries midíes correutives.

 

Gobiernu español: esperando a que s’añaguen los espacios inundables habitaos

N’espacios inundables polos ríos, que sumen 6.560 hectárees de cuarenta conceyos, viven más de 6.300 asturianes y asturianos. Los conceyos de Pravia, con 1.379,78 hectárees que se puen añagar, y Uviéu, con 1.006,35, son les que tienen un mayor riesgu. Cerque tán Xixón, con 947,32 hectárees, y la fastera de Llangréu-Samartín del Rei Aureliu-Llaviana, con otres 800,3, acordies recueye un informe ellaboráu pola CHC.

Ente esta situación, el Ministeriu español de Mediu Ambiente fizo cuantayá un mapa de fasteres que se puen añagar. Y anonciaron que desendolcaríen normatives pa regular de dalgún mou la costrución de viviendes nestes tierres y que, fasta esti intre, permiten los planes urbanísticos de los conceyos. Otra alternativa, comu defenden los vecinos, pasaría pol correchu caltenimientu de los calces pa torgar inundaciones. En tou casu, desconozse iniciativa dala de l’alministración española para iguar esti grave problema.

 

Desastre ferroviariu: L’Estáu español dexa que los ríos arrinquen les víes

Nestos díes de xineru FEVE llegó tener el 46% de la rede asturiana fora sirviciu por inundaciones, un mal que se repiti siempres qu’hai lluvies fuertes pol carauterísticu trazáu de les sos víes (con llargos tramos a la vera los ríos).

Asturies tien 67 kilómetros de víes ferroviaries por ca 1.000 kilómetros cuadraos de territoriu, una proporción única, que duplica la del Estáu español. La suerte de cuntar con una infracadarma tan valiosa tornóse nuna llaceria p’Asturies pola pergafa xestión y l’abandonu (de terremplenes, víes y veres) que’l Gobiernu español prautica con FEVE.

El miércoles, 23 de xineru, a les 17.30 l’allorie foi talu (árboles y postes de catenaria cayíos, argayos, trincheres esbarrumbaes y bolses d’agua) que l’Alministraor d’Infracadarmes Ferroviaries (Adif)  decretó’l pieslle de tola rede de FEVE de la fastera central, desde Muros fasta Ribesella, una midía desconocía fasta agora na xestión ferroviario n’Asturies. El resultáu foi una rede tremendamente amenorgá, con 217,1 kilómetros de vía cortaos al tráficu, lo que supunxo disponer d’un 46% menos de tol mapa d’anchu métricu. L’asociación “Asturies al Tren” (colleutivu d’usuarios) denunció que bona parte los daños ocasionaos a los trayeutos ferroviarios yera evitable, si se fexere un bon caltenimientu de terremplenes y trincheres, asina comu si se llimpiaren les veres de los ríos.

El conseyeru d’Infracadarmes del gobiernu asturianu, Fernando Lastra (PSOE), declaró: «Esto lo que mos lleva ye a ser más desixentes colos ritmos y plazos qu’alcordemos col Estáu pa que’l Plan de Cercaníes se lleve a efeutu», dixo, refiriéndose a una programación que valora en más de 600 millones d’euros pa poner la rede al díi y propón entamar esta xera dende equí fasta l’añu 2025.

El presidente’l comité d’empresa de Renfe y Adif, Luis Blanco Junquera, denunció que «dende cuantayá’l caltenimientu que se fae ye mui ruín, eso ta ñidio. Namái se fae daqué ente fechos consumaos y nun pue ser asina», afita. Denuncia tamién que la rede de FEVE tien 475,47 kilómetros n’Asturies, pero que «los encargaos de víes y obres son sólo ente quince y venti profesionales», apunta Blanco. La empresa pública organizóse de tala mena qu’agora toles obres de reparación encárguense, una a una, a socontrates, quedando la plantilla propio llendao a exercer d’encargaos de los trabayos, con capacidá pa reabrir la llínia. «Sicasí enantes en ca cantón, que yeren unos 30 kilómetros de vía, teníes diez operarios que te revisaben la vía, atendíen lo que taba inseguro ya iguábenlo», diz pa con ello.

El Plan de Cercaníes, redautáu no cabero de 2017, detallaba’l resultáu d’esa probitú de plantilla y curiáu. Deteutó que siete trincheres teníen «riegu altu» de desprendimientu, 24 taben en «mediu-altu», y 15 en «mediu». Atopáronse 20 terremplenes «rexistraos comu críticos». Había 15 túneles que «desixíen actuaciones de reparación urxente», y 14 pontes con daños na cadarma necesitaben «igua urxente». Esta riestra estropicios prevoca que ca 5,3 kilómetros los maquinistes tengan orden de menguar velocidá pa evitar piores males.

 

Los planes mentirosos del Gobiernu español: exemplu Les Arriondes

El Gobiernu español tien paralizáu dende 2015 un proyeutu de proteición pa Les Arriondes (Parres) por valor de más de 15’4 millones d’euros, que foi ellaboráu esi añu pola CHC. Con tola atrevencia, agora la delegá’l Gobiernu español n’Asturies (Delia Losa Carballido, PSOE) y l’alcalde de Parres (Emilio García Longo, PSOE) “anuncien” al alto la lleva que’l Gobiernu español retoma’l plan. Agora’l presidente la CHC fixa pa esti febreru la salía a esposición pública del estudiu ambiental que necesiten les obres d’esti plan, y perafita que se van facer en 2020.

Esti plan detallaba fasteres que teníen de ser oxetu d’una proteición urxente y especial ente les inundaciones. L’aniciu les obres, dependientes del Gobiernu español, taba fixáu pa 2017, pero enxamás se fexo xera dalguna.

 

Evaluación anicial de daños

 Acordies lo anunciao pol Consorciu de Compensación de Seguros, dependiente del Ministeriu español d’Economía y Empresa, dende Asturies van llega-y unes 550 reclamaciones por siniestros prevocaos poles lluvies ya inundaciones producíes na selmana del 21 al 27 de xineru de 2019. Y valora que la estimación de daños va algamar los seyes millones d’euros.

 

Por embargu, fontes del Gobiernu asturianu valoren n’ochu millones d’euros los daños causaos n’infracadarmes de titularidá asturiano y en bienes de particulares. Sólo en carreteres ya istalaciones de saneamientu de titularidá asturiano los daños xuben a 2,4 millones d’euros, según los primeros cálculos del conseyeru d’Infracadarmes, Ordenación del Territoriu y Mediu Ambiente, un cálculu que nun inclúi los daños en carreteres llocales nin nes de competencia estatal.

 

Otres inundaciones recientes: xunu 2018

  • Inundación de la Escuela Politéunica d’Inxeniería (Xixón), con daños por valor de cincu millones d’euros (sales, llaboratorios, equipos informáticos...). En xineru de 2019 faltó poco pa qu’esti campus universitario de Xixón tornare sofrir daños por añagase.

 

 

Gobiernu español: escuende la responsabilidá político y quier semar Asturies de resinación

 La Ministra de Sanidá, Consumu y Bientar Social, María Luisa Carcedo (PSOE), defendió estos díes, públicamente, a la CHC, diciendo que fai un bon trabayu nel caltenimientu los calces asturianos. Y fizo por tapecer la responsabilidá político del so gobiernu, echando la culpa les inundaciones “al cambiu climáticu”; al empar qu’intenta contaxar a la ciudadanía un ánimu de resinación ente les llaceries (o les polítiques llacerioses), pa ello nun dexa de dicir que «hai que tar na cuenta» de que «lo más previsible» ye qu’esti tipu situaciones se dean ca vegá con más frecuencia, poro, hai que «afayase» a ello.

Insultar a Asturies convitándola a la “resinación” paez la “receta pa too” del Gobiernu español (seya quien seya’l so titular): inundaciones persistentes, paru xabaz, pieslle culposu de la minería, contaminación atmosférico xorreciente, emigración forciá de la mocedá, etnocidiu por despoblamientu grave del territoriu...

 

Andecha Astur pidi al Gobiernu español la declaración de fastera catastrófica pa los conceyos afeutaos

 Lluvies torrenciales cayies n’ochobre de 2018 foron el motivu pol cualu’l Gobiernu español reconoció la declaración de fastera catastrófica pa los conceyos afeutaos de Mallorca, Sevilla y Málaga.

Andecha Astur supón que, ente la evidencia de que la catástrofe por inundaciones producía n’Asturies demientres esti mes de xineru tien consecuencies de la mesma gravedá qu’aquelles otres, el Gobiernu español nun pondrá torga dala a la declaración, que solicitamos, de fastera catastrófica pa los conceyos asturianos afeutaos.

Asturies nun podría atalantar que, ente situaciones equivalentes, el mesmu Gobiernu español castigase al nuesu país a carecer de les aídes compensatories qu’una declaración de fastera catastrófica ufre, y que sí foron reconocíes a otros territorios del Estáu.

 

Andecha Astur presenta 11 entrugues al Gobiernu español

 

Por mor de la gravedá de los daños causaos n’Asturies poles inundaciones padecíes nel mes de xineru de 2019, y la responsabilidá político que nello tien el Gobiernu español, Andecha Astur solicitará la collaboración de Jon Iñarritu, representante de la coalición Euskal Herria Bildu nel Senáu español, pa presentar ente’l Gobiernu español les entrugues que se rellacionen darréu.

 

  1. ¿Por qué la Confederación Hidrográfica del Cantábricu, enantes de les inundaciones del mes de xineru n’Asturies, sólo desendolcare un númberu mínimu d’actuaciones ya invirtiere namái un 26% del presupuestu vinculáu al plan de llimpieza y caltenimientu de calces puestu en marcha en 2018?
  2. ¿Qué planes d’intervención urxente tien la Confederación Hidrográfica del Cantábricu sobro los ríos asturianos pa torgar nuees inundaciones comu les sofríes nel mes de xineru? ¿A qué ríos asturianos afeuten eses intervenciones previstes? ¿En qué consistirán eses intervenciones? ¿En qué feches se pondrán en marcha dichos planes d’intervención? ¿Cuántu dineru se va invertir na aplicación d’esos planes?
  3. ¿Dispón el Gobiernu o la Confederación Hidrográfica del Cantábricu de dalgún informe de les causes y posibles soluciones de les inundaciones padecíes n’Asturies nel mes de xineru?
  4. ¿Dispón el Gobiernu de dalgún informe sobro los daños, y la valoración económica d’éstos, que les inundaciones de xineru n’Asturies causaron en carreteres, víes ferroviaries, centros sanitarios, edificios e infracadarmes públiques, viviendes y propiedaes particulares, fasteres agroganaderes, industries y comercios?
  5. ¿Dispón el Gobiernu d’un mapa actualizáu de fasteres inundables d’Asturies?
  6. ¿Pa torgar posibles catástrofes futures, qué planes d’actuación tien previstos el Gobiernu pa les 6.560 hectárees que son inundables polos ríos asturianos y nes que viven más de 6.300 presones? ¿En qué consisten esos planes? ¿A qué conceyos asturianos afeuten? ¿Cuándu se pondrán en marcha? ¿Qué inversión presupuestario representen?
  7. ¿El Gobiernu disponía, enantes de les inundaciones de xineru n’Asturies, de dalgún informe sol nivel de caltenimientu de les víes ya istalaciones ferroviaries de la empresa FEVE: estáu los terremplenes, estáu les trincheres, estáu los túneles, estáu les pontes, estáu llimpieza de les veres de los ríos que van al llau les víes? ¿De qué fecha ye’l caberu informe al respeutu? ¿Qué iniciatives tomó’l Gobiernu dende entós pa torgar que posibles inundaciones afeutaren al sirviciu ferroviariu de FEVE n’Asturies? 
  1. ¿Qué midíes va tomar el Gobiernu pa torgar que prósimes inundaciones prevoquen otra vuelta situaciones inédites, comu’l recién pieslle de tola rede de FEVE na fastera central asturiana? 
  1. ¿Cuántes presones tán emplegaes por empresa pública nos llabores de caltenimientu de la rede ferroviaria de FEVE n’Asturies? 
  1. ¿Camienta’l Gobiernu que la causa cimera de los daños prevocaos poles inundaciones sofríes en xineru n’Asturies ye la falta de suficiente inversión de presupuestos estatales na llimpieza de calces fluviales, caltenimientu carreteres y redes ferroviaries y en planes de prevención d’inundaciones?

 

 

 

_______________

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

* Este documento fue redactado recogiendo información pública divulgada por medios de comunicación asturianos y estatales, así como algunas informaciones facilitadas directamente por personas afectadas por las inundaciones sufridas en Asturies durante la semana del 21 al 27 de enero de 2019.

 

 

 

Andecha Astur convoca para este viernes 8 de septiembre una Concentración y Referendum simbólico a las 13:30 horas en la Plaza de la Catedral de Uviéu.

Asturianu / Español

Con motivo del Día de la Nación Asturiana y en reivindicación de Derecho a Decidir, Andecha Astur convoca un acto político consistente en una Concentración y un Referendum simbólico con el que se quiere reivindicar el Derecho a Decidir del Pueblo Asturiano, denunciando así mismo la situación que padecemos en Asturies, donde se nos impuso desde Madrid un ente autonómico, el "Principado", y un Estatuto de Autonomía sin permitirle al Pueblo Asturiano el derecho democrático a pronunciarse en referendum, derecho que sí permitieron a gallegos, vascos, andaluces, catalanes... y que hace de los asturianos y asturianas ciudadanos de segunda categoría.

La sentencia del Caso Riopedre deja en evidencia al expresidente del "Principado", cuya dimisión como responsable político es obligada. No tiene que hacer más que lo que pide el PSOE a otros patidos en casos similares de corrupción.

Asturianu / Español

La sentencia del Caso Riopedre, pese a imponer penas mucho menores de las pedidas por la acusación y el propio "Principado", determina claramente la culpabilidad de quien durante muchos años fue Consejero de Educación del "Principado" bajo los gobiernos de Areces, de quien siempre fue mano derecha. Por ello es evidente la responsabilidad directa del entonces Presidente del "Principado" que ahora, en su puesto de Senador en Madrid, pretende pasar desapercibido sin asumir las consecuencias de su gestión.

Álvarez Areces tiene que asumir sus responsabilidades políticas y por lo tanto dimitir inmediatamente, que es precisamente lo que pide el PSOE que hagan los responsables políticos de otros cargos públicos juzgados por corrupción.

Andecha Astur convoca pa esti vienres 8 setiembre una Concentración y Referendum simbólicu a les 13:30 hores na Plaza la Catedral d’Uviéu.

Asturianu / Español

Cola xida del Díi de la Nación Asturiana, y en reivindicación del Drechu a Decidir, Andecha Astur convoca un actu políticu consistente nuna Concentración y un Referendum simbólicu col que se quier reivindicar el Drechu a Decidir del Pueblu Asturianu, denunciando asina mesmo la situación que carecemos n’Asturies, onde se mos impunxo dende Madrid un ente autonómicu, el “Principado”, y un Estatutu d’Autonomía ensin permití-y al Pueblu Asturianu’l drechu democráticu a pronunciase en referendum, drechu que sí permitieron a gallegos, vascos, andaluces, catalanes.... y que fai de los asturianos y asturianes ciudadanos de segunda categoría.

Andecha Astur persabe que la situación que se vive agora mesmo n’Asturies nun permite falar de procesos costituyentes como’l que ta teniendo llugar en Cataluña -que por supuestu defendemos y sofitamos-, pero ello nun supón más que la necesidá de redoblar los esfuercios p’algamar una situación de reconocencia de los drechos democráticos pal nuesu Pueblu. Na situación d’anguañu, cola izquierda española n’Asturies –toa ella- defendiendo l’ordenamientu xurídicu-políticu que carecemos los asturianos, corremos el riesgu de vemos una vuelta más condergaos a un tercer planu, y que los mesmos partíos sucursal n’Asturies que reconocen la plurinacionalidá nel casu catalán, nun la reconozan p’Asturies, enfotaos en faer del nuesu país un barriu de Madrid.