Esta campaña dexa n’evidencia la falta de voluntá del “Principado” de respetar el Plan Forestal (agora mesmo la superficie d’ocalitales supera la prevista pal añu 2060), y el “posturéu” d’IU y Podemos, que declarándose contraries a esti monocultivu, nun fain un res onde cunten con poder políticu pa ello.

Ente la iniciativa llanzada por ENCE pa favorecer la renovación de las mases d’ocalitos de más de treinta años con una campaña qu’inclui bonificaciones nel preciu la maera y regalu de llantones, Andecha Astur denuncia qu’ello nun ye más qu’una estratexa pa continuar espardiendo esi monocultivu, una vegada que ya se superaron les cifres  previstes nel Plan Forestal, rexistrándose nesti momentu la superficie prevista pal añu 2.060.

El fechu mesmu que dende’l “Principado” y los partíos de la Xunta Xeneral nun faigan cumplir el Plan Forestal, y se permita la puesta en marcha d’esti plan amuesa, per un llau, fasta qué puntu se plieguen a los porgüeyos de la papelera, y pel otru, lo valero de les declaraciones de dalgunos grupos, comu IX o Podemos, que pesia declarase públicamente contrarios al ocalitu, nun tomen midíes pa frenar estos llantíos, nin a nivel d’Asturies onde vienen d’apreba-y los presupuestos a Javier Fernández, nin a nivel de Conceyu onde nun apreben –ellí onde tienen mayoríes pa ello- les Ordenances de Conceyu precises pa torgar los ocalitales.

La propuesta trata de determinar responsabilidaes pola costruición del hospital Francisco Grande Covián en tarrenos inundables, y del desdexamientu por parte de dichu Conceyu del seguimientu de les obres interrumpíes pola Confederación Hidrográfica’l Cantábricu (CHC) en 2015

 La propuesta complementa les entrugues presentaes nel Senáu español en nome d’Andecha Astur pol senaor Jon Iñarritu (EH-Bildu) pa determinar responsabilidaes, igües ya iniciatives poles inundaciones del pasáu mes de xineru.

Asina mesmo recueye que, nel intre de debatir nel Plenu Municipal la propuesta agora presentada, se reconoza a un representante d’ANDECHA ASTUR el drechu a sopelexar delantre’l Plenu, enantes de la lletura, debate y votación de la propuesta, el so paicer sobro la necesidá y procedencia de la propuesta agora presentá.

 

 PROPUESTA PA LA DETERMINACIÓN DE RESPONSABILIDAES POLA COSTRUCIÓN DEL HOSPITAL FRANCISCO GRANDE COVIÁN EN TARRENOS INUNDABLES DEL CONCEYU PARRES

 A los efeutos de xustificación d’esta propuesta considérense los fechos que darréu se rellaten:

Frente la inactividá del “Principado” y de los grupos ellí representaos, Andecha Astur presenta énte’lel Senáu una riestra entrugues col oxetu determinar responsabilidades y apuntar igües.

VER INFORME

Les entrugues, presentaes por Jon Iñarritu, senaor d’EH Bildu –organización coalligada con Andecha Astur en Los Pueblos Deciden- pretenden determinar el grau de responsabilidá del gubiernu cientral y más concretamente de la Confederación Hidrográfica del Cantábricu (CHC) dependiente del Ministeriu español pa la Transición Ecolóxica y dirixíu anguañu por Teresa Ribera Rodríguez (PSOE).

Unes inundaciones qu’arriendes de los cuantiosos daños materiales, convién recordar que causaronla muerte de 4 presones, mentes el presidente del “Principado” alcontrábase de feria en Madrid, ensin qu’ello lu fixere interrumpir les sos actividaes nin tornar a Asturies; y mentantu, el parllamentu asturianu acumula meses d’inactividá ensin llegar aconceyar.

Paulu Arboleya, acabante d'escoyer como Secretariu Xeneral d'Andecha Astur nel postrer Conceyu Nacional ye entrevistáu n' infoasturies.com , faciendo un analís de la rialidá asturiana y de la llínia política de la organización.

Asina resume'l Secretariu Xeneral d'Andecha Astur como fo'l postrer Conceyu Nacional: Foi un Conceyu ampliu ya intensu, abarcó dende les reformes estatutaries que permitirán una mayor tresparencia, si cabe, del furrulamientu d’Andecha, fasta l’alderique abiertu sobro’l programa elleutoral pasando pola redefinición de les llínies básiques del partíu y pola nuesa participación nes elleiciones nacionales, europees y de conceyu.

Pa siguir darréu desplicando los plantegamientos y propuestes d'Andecha Astur, y la participación nes prósimes elleiciones de conceyu, nacionales y europees.

LLEER ARTÍCULU

Marcos A. Fernandi, miembru de la Xunta Executiva d'Andecha Astur espubliza un artículu n' infoasturies.com alrodiu la situación de los Servicios Sociales n'Asturies.

L'artículu, basáu nun informe sobro los Servicios Sociales a nivel estatal en poblaciones de más de 20.000 moraores, llega a la concluxón de que'l fechu de que denguna de les seyes ciudaes asturianes que cumplen esi requisitu inviertan más de 40 € por presona y añu en Servicios Sociales, pesia ser gobiernaes cinco d'elles por formaciones de "izquierda", ta rellacionao cola política qu'apliquen n'Asturies, onde la propaganda y el posturéu sustitúin a los fechos.

A eso, y a la tercer pata de bancu pa forciar la emigración: paru, precariedá y ausencia de Servicios Sociales.

LLEER ARTÍCULU