Vien de presentar una solicitú al “Principado” pa que cumpla coles sos funciones y tome les midíes afayaíces pa recuperar los restos de más de 2000 asturianos entierraos nel mausoléu franquista.

Acoyéndose a la llei 52/2007 de 26 d’avientu pola que se reconocen y amplíen drechos ya establécense midies favoratibles a quienes sofrieron persecución o violencia demientres la Guerra Civil y la dictadura, Andecha Astur rique l’actuación del  “Principado” pa que tornen a Asturies los restos de los asturianos entierraos nel Valle de los Caídos, aprofitando la previsible exhumación del dictador español.

Concretamente solicítase:

  1. Qu'el gobiernu del “Principado” reclame la devolución a les sos families de los restos de los asturianos entierraos nel Valle de los Caídos de Madrid y, nel so casu, el so treslláu a Asturies.
  2. Qu'el gobiernu del “Principado” sofite a les families que rican sofitu pa la exhumación y treslláu fasta Asturies de los sos familiares axustándose a la llei 52/2007 de 26 d'avientu.
  3. Qu'el gobiernu del “Principado” intervenga direutamente naquellos casos nos que les families nun riquieran el treslláu de los sos familiares entierraos bien por desconocimientu o por tenese por sumíu. L'Alministración asturiana tendrá de ponese en contautu coles families pa unvia-yos información y la documentación necesaria pa la reclamación de los restos.
  4. Qu'el gobiernu del “Principado” rica la identificación de tolos restos de los asturianos entierraos nel Valle de los Caídos y la so comunicación previa a les families afeutaes pa que puedan asistir a la exhumación.
  5. Qu´ANDECHA ASTUR seya tenía como parte interesada en cuanto fai a lo solicitao y que se-y notifique lo que se resuelva al respeutu y de los trámites y procedimientos alcordaos.