La segunda selmana de la campaña inclúi la rialización d'un actu republicanu en L'Infiestu, esti prósimu sábadu 16

BAXAR LA FUEYA FIRMES / CÓMO COLLABORAR COLA CAMPAÑA

La campaña p'algamar 10.000 firmes pola República (entamada por mor de la llei elleutoral del Reinu d'España que mos obliga a sacar avales pa poder exercer el drechu democráticu a presentamos a les elleiciones estatales) va per bon camín, y a estes altures van cumpliéndose los oxetivos, por más qu'enxamás nun sobre dengún sofitu. 

Concretamente esti sábadu 16 de marzu cellebrarémos un Actu Republicanu en L'Infiestu -Piloña- con recoyía de firmes, y onde habrá tamién un conciertín a cargu del grupu Fontoria Folk, na Cervercería La Traviesa, una bona ocasión pa dar un reblagu nesta campaña, y pa esfrutar colos collacios.

Hai de recordar qu' Andecha Astur va presentase de la man de la coallición “Agora Repúbliques”, xunto con ERC, EHBildu, BNG, Puyalón y Ahora Canarias. Pero pa ello, y tres la postrer reforma de la llei elleutoral, los partíos políticos ensin representación nestes istituciones tenemos que consiguir avales, nel nuesu casu precisamos recoyer unes 1.000 firmes de presones censaes n’Asturies.

PRÓSIMES CONVOCATORIES DE LA CAMPAÑA

  • Vienres 15 de marzu.- Uviéu. Plaza la Escandalera -Manifestamientu ¡Emerxencia Climática!. 19 hores.
  • Sábadu 16 de marzu.- Piloña. Actu Republicanu con actuación de Fontoria Folk. Cervecería La Traviesa. L'Infiestu. 19 hores
  • Domingu 17 de marzu. Xixón. Rastru. De magar les 10 hores.
  • Vienres 22 de marzu. Xixón. Presentación de coalición Agora Repúbliques. 19 hores.
  • Sábadu 23 de marzu. Xixón. Plaza'l Conceyu. 12 hores ¡Queremos vivir y trabayar n'Asturies!
  • Domingu 24 marzu. Uviéu. Actu Republicanu con conciertu. 19 hores