Andecha Astur llama a participar na concentración en defensa del Arte Asturianu convocada pola Lliga Celta d'Asturies.

La Concentración tendrá llugar güei a les 11 hores delantre la Ilesia de Santuyanu, na cai Selgas 1 d'Uviéu, y con ella denunciaráse'l desdexamientu nel que s'alcuentra l'emportante padremuñu hestóricu-cultural d'Asturies "Ye munchu más que monumentos, ye parte de la identidá d'un pueblu, l'asturianu".

Nel actu lleeráse l’analís que la Lliga Celta d’Asturies fai de la situación del prerrománicu asturianu anguañu, asina como un decálogu de midíes de baxu coste y poca complexidá operativa que podíen entamar a facese darréu y que tendríen l’oxetivu de caltener y conservar un l´Arte Asturianu, un padremoñu únicu y diferenciáu d’incalculable valir.

De magar esti actu reivindicativu pola correuta xestión del nuesu padremoñu, a les 12h ufrirán nel vecín Hotel d'Asociaciones Santuyanu una conferencia entitulada “Monumentos altomedievales d´Uviéu: nuevos enfoques y perspeutives Impartía por Francisco José Borge Cordovilla, autor de Mirabilia Ovetensia, investigador del Arte Asturianu y miembru docente na fastera cismontana d´Asturia, ye dicir, en Llión.

Andecha Astur vien denunciando dende cuantayá'l desdexamientu del que ye oxetu cualisquier manifestación identitaria asturiana, propia d'un PSOE que parte del principiu manifestáu pol d'aquella presidente del "Principado", Álvarez Areces "El problema de Asturies es que tienen demasiada identidad"