Nel manifestamientu convocáu polos sindicatos CNT, CGT, CSI y SUATEA denunciemos la precariedá, la represión y la discriminación llaboral de xéneru.

VER SEMEYES

La movilización ye la única rempuesta posible frente a un Estáu y un gobiernu que nun respeten nin la so propia llexislación en materia llaboral  y qu’aplica n’Asturies una política d’esfarrapamientu del texíu socio-económicu-industrial que fuercia a la emigración y que  caltién a bona parte de la población asturiana nuna situación de precariedá y probitú inaceutable, entavía más marcada nel casu de la muyer, que nel nuesu país carez una inxustificable discriminación en tantu a la so condición d’asturiana, muyer y trabayaora.

La necesidá d’un marcu asturianu de rellaciones llaborales, la superación del Estatutu impuestu que carecemos, y l’aniciu d’un procesu costituyente en clave de Soberanía asturiana son les exes a siguir pa francer una dinámica que mos conderga como Pueblu y como trabayaores.