Llucía Fernández denuncia la discriminación que carez Asturies nel procesu de "descarbonización", el preslle de les térmiques y la fin de la minería asturiana.

L'artículu, espublizáu en www.infoasturies.com, entama desplicando que "Cuando na mesma situación y condiciones a un individuu (persona, sociedá, país) se-y aplica un tratamientu desemeyáu qu’a otru, por muncho que se sofite esti tratamientu en razones xustificaes y argumentos válidos, dase un casu d’inxusticia, o cuando menos de discriminación".

Trátase d'una perinteresante reflexón, que pon n'evidencia como la situación que carecemos nun respuende a l'aplicación de criterios oxetivos y homoxénios, sinon a una planificación política por parte del Reinu d'España, enfotáu na destruición del nuesu texíu industrial y socio-económicu, dientru de lo que venimos denunciando como un procesu de dependencia y asimilación nacional que pretende faer del nuesu país una provincia española.

VER ARTÍCULU