Presentemos nel Senáu una riestra entrugues sobro la situación de la fauna marina asturiana al traviés d’EH Bildu, los nuesos socios de coalición en Los Pueblos Deciden.

Nel escritu recuérdase que demientres el mes de xineru, apaecieron delles tolines muertes na costa asturiana, y que’l “Principado” dexó inoperativa la Rede de Varamientos del Cepesma, una rede qu’atendía y salvaba a les tolines que quedaben varaes na costa, de tala miente qu’agora nun hai alternatives vidables pa l’atención de la fauna marino. Ello asina atopámosmos  ensin dengún cientru de recuperanza p’animales marinos, ensin presonal formáu y ensin medios afayaízos pa esta triba d’anteción.

Dao que sigún la llexislación vixente, el Ministeriu de Mediu Ambiente español ye’l másimu responsable de la fauna marino de les augües territoriales asturianes, Andecha Astur solicitó a dichu Ministeriu rempuesta sobro les entrugues que vienen darréu:

Presentemos una riestra d'entrugues al respeutu al traviés de EHbildu, los nuesos socios de coalición en Los Pueblos Deciden.

Énte la intolerable situación na que s'atopa'l serviciu de FEVE nel nuesu país, que ta llevando a escalar el mentáu serviciu de tresporte públicu, no qu'atalntamos ye un procesu de abandonu del mesmu que va implicar la privatización de los percorríos rentables y el desdexamientu del restu, cola consiguiente desconexón territorial del nuesu país.

Concretamente, y como recoyeron estremaos medios de comunicación “el 60% de les cancelaciones de trenes de FEVE en tola so rede prodúcense n'Asturies, según datos del comité d'empresa." Según estos medios, en 2016, les supresiones fueron cuasique 2.000 de les 3.500 que se produxeron en tola cornisa cantábrica. Too ello vendríe motivao pola falta de caltenimientu de la maquinaria, que na so mayoría tien más de 20 años.

Por cuenta de ello, Andecha Ástur, faciéndose ecu de les solicitúes rializaes polos trabayaores reclamó un plan de modernización p'Asturies  y la reparación del material.

Tres los postreros datos de contaminación, y la incapacidá manifiesta de la Conseyera de Fomento, amestámosmos al pidimientu de dimisión inmediata de Belén Fernández

Dientru la reinal incompetencia y desenfotu d’un gobiernu sucursal, la Conseyera de Fomento del “Principado” non solo nun ye a controlar los niveles de contaminación que carecemos n’Asturies, sinon que continúa cola so política de ñegación de los fechos –otra vez lo de la “llienda urbana”-, y recurre a midíes tan inaceutables como entrampiar la medición de contaminación, nun dar datos en tiempu rial como ye obligatoriao (pa nun xenerar allarma social diz ella), desinformar, pretender culpabilizar a los ciudadanos de la contaminación –calefación, coches...- y a lo cabero esperar a que la lluvia faiga lo que debiere ser el so llabor, oxetivu que como vien de vese, tampoco nun s’algama.

Frente a les menacies del alcalde Gozón al portavoz de la Coordinadora Ecoloxista, Fructuoso Póntigo –Fruti-, Andecha Astur quier facer públicu‘l so sofitu a esti compañeru al empar que denuncia les práutiques mafioses del alcalde Gozón (PSOE) al pretender, coles sos menacies, acallar el clamor social escontra la contaminación.

De la calidá humana, el compromisu, el llabor militante y la honradez de Fruti nun hai ná que dici, ye por toos conocío. Solliñar el so valor al denunciar públicamente les menacies recibíes, dando de nueu la poniendo n’evidencia la política del silencio que quien imponer, nesti casu dende ún de los conceyos más afeutaos.

Del alcalde de Gozón tampoco nun hai muncho más que dicir. El másimu responsable politicu del conceyu nun ta al altor nin moral nin políticamente, de lo que los sos vecinos merecen. En cuentes d’actuar pa iguar un auténticu problema de salú como ye la contaminación nel so conceyu, recurre a menaciar a quien asoleya esos datos. Nun país normal debiere responder énte la Xusticia por eses menacies.

Andecha Astur sofita la concentración convocada’l prósimu miércoles 25 xineru delantre la Xunta Xeneral

Mentes el gobiernu del “Principado” ñega lo evidente y reza pa que llueva y los partíos con representación istitucional son incapaces de facer propuestes útiles ye la sociedá asturiana la que se tien d’organizar pa defendese y denunciar la incompetencia de quien, teniendo la responsabilidá de controlar esa contaminación que carecemos n'Asturies, lo único que fain ye mirar al cielu.

Cuando un gobiernu en cuentes de facer respetar les normes medioambientales a les grandes empreses, potenciar el tresporte públicu –gratuitu y de calidá-, o da-y puxu a les enerxíes renovables, tien como rempuesta ñegar lo evidente, desinformar, esperar la lluvia como única solución, y pretender responsabilizar al ciudadanu pola contaminación que xeneren les calefaciones y los coches... la rempuesta de la sociedá ye imprescindible. Por eso Andecha Astur amiéstase a la convocatoria entamada pola Plataforma d’Afeutaos pola Contaminación d’Asturies, pal prósimu miércoles 25 xineru a les 11:45 hores delantre la Xunta Xeneral.