Enguiza a ecoloxistes y ganaeros cola tema del llobu mentes continúa esfarrapando l'agroganadería asturiana

El nuevu Conseyeru d’Infracadarmes y Mediu Ambiente del “Principado”,  Fernando Lastra, bien de definir con claridá la que mui probatiblemente sedrá la so política a la hora d’enfrentar el problema del llobu: continuar cola inoperancia actual y centrase n’enguizar a los ganaeros y a los ecoloxistes, mentes el problema persiste, tapeciendo'l problema de fondu que costitúi l'esfarrapamientu del texíu socio-económicu arreyáu al seutor agroganaderu.

Esta tema involucra ya enfrenta a dos seutores perimportantes de la población asturiana, de los que depende la pervivencia de la nuesa biosfera y de les nueses formes de vida más tradicionales, que foron siempre aquelles que vivíen en comuña cola ñatura. Dos estayes que, xuníes, podíen facer muncho bien por caltener la bayura los nuesos montes, pero qu’enfrentaes gasten enerxíes en marraces valeres, demientres los que bramente tienen la obligación y la posibilidá d’actuar continuen ensin plantegar soluciones científiques, mata

Andecha Astur comparte con otres formaciones como la Cordinaora Ecoloxista la satisfaición pola renuncia del PSOE a la icineraora, pero alvierte de que tará sollerte énte cualisquier propuesta que contemple la quema basories.

Consiguir, tres ventidos años de llucha, que'l PSOE renunciare a la icineraora como opción pa tratar los residuos urbanos, sabiendo amás lo muncho que se xugaba esi partíu pal caltenimientu de la so rede clientelar y la financiación del aparatu, supón un trunfu del que necesariamente sentímosmos satisfechos.

Les polítiques aplicaes pol PSOE dende'l "Principado" fixeron del nuesu país un territoriu de los más contaminaos d'Europa, y a la cola en calidá d'aire por partícules, nes tases de reduición de residuos, del reciclaxe y de la inversión en programes de concenxación y educación ambiental, y la icineraora yera la so única alternativa, ente otres custiones porque garantizaba'l caltenimientu de la so rede clientelar y el financiamientu del aparatu, puertes xiratories incluyíes, al traviés de les cementeres principalmente.

Andecha Astur convoca pa esti domingu 20 d'agostu un actu d’homenaxe a la Declaración pola que’l Conseyu d’Asturies y Llión proclamábase Soberanu ya independizábase a tolos efeutos de la República Española.

L’actu tendrá llugar esti domingu 20 d’agostu  a les 13.30 en Tarna, delantre’l monumentu que fai alcordanza d’esta hestórica declaración del 24 d’agostu de 1937, la postrer proclamación  d’independencia asturiana, pola que’l Conseyu d’Asturies y Llión se declaraba soberanu ya independiente de la República española.

"Artículul 1.- El Conseyu Inerprovincial d’Asturies y Lleón, a partir dela fecha y hora de la promulgación d’esti decretu, costitúise en Conseyu Soberanu de gobiernu tol territoriu de la so xurisdición y a elli queden dafechamente sometíes toles xurisdiciones y muerganismos civiles y militares que foncionen o vaigan foncionar de secute dientru’l mentáu territoriu."

Esta proclamación, que permitió qu’Asturies entamare un auténticu procesu revolucionariu y se defendiera heróicamente del exércitu facista español/italianu/alemán, enxamás nun cuntó cola aprebación de la República española, que llegó a considerar un alliviu l’acupación d’Asturies poles tropes facistes.

L'actu comemorativu de la Declaración de Soberanía del Conseyu d'Asturies y Llión xunció l'homenaxe cola reivindicación nuna xornada na que tamién hebio participación llionesa.

Na cellebración fecha por Andecha Astur del 80 aniversariu de la hestórica declaración pola que’l Conseyu d’Asturies y Llión proclamábase Soberanu ya independizábase a tolos efeutos de la República Española hebio un sentíu homenaxe pa los protagonistes d'esos fechos hestóricos y un repasu al llabor del propiu Conseyu Soberanu, que "costitúise en Conseyu Soberanu de gobiernu tol territoriu de la so xurisdición y a elli queden dafechamente sometíes toles xurisdiciones y muerganismos civiles y militares que foncionen o vaigan foncionar de secute dientru’l mentáu territoriu." asumiendo la defensa'l nuesu país frente al facismu, tomando midíes pa que la nuesa nación fora reconocía a nivel internacional como Estáu de plenu drechu (empobinándose a la Sociedá de Naciones, precursora de la ONU) y entamando una auténtica revolución, too ello ensin  reclamar nin cuntar cola aprebación de la República española -responsable de la xabaz represión d'ochobre'34-, que llegó a considerar un alliviu l’acupación d’Asturies poles tropes facistes.

Andecha Astur llama a participar esti domingu 13 d’agostu nel manifestamientu escontra la tortura pública d’animales.
Dende la refuga dafechu al maltratu animal, ainda más cuando se convierte n’espeutáculu y pretende amarutase como arte, y la denuncia de la collaboración indispensable del Ayuntamientu Xixón pal so caltinimientu, Andecha Astur llama a la sociedá asturiano a manifestase esti domingu 13 d’agostu a les 16:30 h. Plazuela San Miguel -Xixón-.

Arriendes d’ello Andecha Astur quier denunciar que la tortura y muerte de toros convertía n’espeutáculu públicu va escontra la sensibilidá y la cultura asturiana, y el so caltenimientu n’Asturies nun tien otru enfotu que perafitar una espresión de lo “español” nel nuesu país, una forma xabaz d’aculturización y españolización ensin xacíu.