Llucía Fernández: "Na situación de boicó informativu que carecemos, les redes sociales costitúin una ferramienta de trabayu imprescindible"

La responsable de redes sociales d'Andecha Astur valora perpositivamente'l xorrecimientu de la presencia d'Andecha Astur nes redes sociales, poniendo como exemplu'l de twitter, que nos postreros seyes meses, consiguió perpasar los 2.000 seguidores "Y lo que ye muncho meyor, que la xente interactúe, que dea la so opinión y que mos faiga entrugues" comenta Llucía Fernández.

"Agora mesmo'l seguimientu informativu polos medios de comunicación de les iniciatives actividaes y propuestes d'Andecha Astur ye práuticamente nulu, ye más, daqué mediu usa la información que-y apurrimos ensin citamos ensiquiera, o incluso atribuyéndolo a otres organizaciones. El casu d'El Musel por exemplu ye escandaloso ver como se mos ningunea. NInguneárenmos nun entamu cuando presentemos la denuncia na OLAF, cuando ganemos la denuncia, cuando requerimos l'actuación de la fiscalía, cuando se obligó a actuar a la fiscalía..., asina ye como consiguen que nun podemos rentabilizar el nuesu llabor, y por eso ye imprescindible cuntar coles redes sociales."  Nel mesmu sen tamién resaltó qu'esiste una auténtica militancia nes redes sociales qu'aída enforma a esparder los nuesos conteníos, consiguiendo que la so repercusión seya muncho mayor.

La reivindicación de la Soberanía y el 25 Mayu de 1808 protagonizaron el XX Díi d’Andecha.

La cellebración del Díi d’Andecha, yá na so vixésima edición, ye un momentu perafayaízu d’alcuentru ente la militancia y los simpatizantes de la organización, que comparten una xornada de xermandía y qu’aprofiten p’aldericar sobro estremaos aspeutos de la política asturiana, na que’l Secretariu Xeneral fai una valoración de la llinia política a siguir, y de comu se va espresando esta nel díi ente díi de la organización, y sobro manera énte la sociedá asturiana.

Esti añu’l protagonismu túvolu’l 25 Mayu como espresión d’una Soberanía que tenemos que recuperar, y qu’hai qu’evitar que se terxiverse, ello asina, arriendes de la propuesta ente la Xunta Xeneral pa que reconoza de forma oficial los fechos y los conteníos del 25 M de 1808, tamién se rializó un actu d’homenaxe a les puertes de la Sala Capitular, onde la Xunta Xeneral, convertía en Xunta Suprema pola presión del Pueblu Asturianu, declaró la soberanía ya independencia en 1808, tomando les midíes polítiques efeutives pa faela efeutiva, talo como la formación d’un exércitu asturianu o l’unvíu d’embaxaores a Inglaterra.

Na interveción d’Arturu Xosé Bermeyu remembráronse esos fechos hestóricos, la forma en que se repitieron tovía nel sieblu pasáu coles declaraciones d’independencia de 1934 y 1937, y recordó que la Soberanía ye la única alternativa posible pal futuru d’Asturies “Igual que la Oficialidá ye imprescindible pa recuperar la llingua, la Soberanía yelo pa poder vivir y trabayar dignamente n’Asturies”.

Nesi sen continuó la so intervención afitando’l compromisu d’Andecha Astur cola recostrución nacional y social d’Asturies y la llucha firme escontra “un Estáu que conderga a Asturies al esaniciu, con polítiques represives nel tarrén cultural, y de destruición del texíu socio-económicu asturianu que conderga a la sociedá asturiana a la precariedá, el paru  y la emigración forciada”.

Asturianu / Español

El propiu 25 mayu, nel 209 aniversariu de la declaración de Soberanía de 1808 Andecha Astur presentó na Xunta Xeneral del “Principado” una propuesta pa que “asuma los fechos hestóricos y los conteníos políticos d’aquel 25 mayu de 1808, aprebe una resolución afitando que la soberanía reside nel Pueblu Asturianu y oficialice la cellebración istitucional d’esta fecha como espresión y reivindicación del drechu a decidir que mos correspuende como Pueblu”.

La propuesta faise tres esponer que “siendo conocíos los fechos acaecíos en 1808 nos que baxo la presión del pueblu asturianu la Xunta Xeneral del Principáu declárase Xunta Suprema, y reconoz la soberanía popular asturiana, xurando caún de los sos componentes que’l “poder, tol poder, reside y procede del pueblu”, y declarando en consecuencia la soberanía ya independencia d’Asturies, no que costitúi’l primer actu d’autodetermín d’Asturies na dómina contemporánia” y que  yá que l’actual Xunta Xeneral del “Principado” se pretende “continuadora d’aquella, por más qu’enxamás se mos permitiera al Pueblu Asturianu la posibilidá de llexitimala o non en referendum, siéndosemos impuesta dende Madrid”.

Con esta iniciativa, Andecha Astur reivindica una vegada más esta fecha hestórica, y sal al pasu de quienes pretenden reivindicala como fecha alternativa al 8 Setiembre namás pol calter llaicu de la mesma, en comparanza col usu relixosu que se-y da al 8 Set. dende’l “Principado”. Reivindicar el 25 Mayu escaeciendo que ye’l primer actu d’autodetermín d’Asturies na dómina contemporania, y que nelli se reconoz espresamente que la Soberanía reside nel Pueblu Asturianu ye réplicas de rolex polo menos tan grave como facer del aniciu del Reinu d’Asturies una festividá relixosa.

Asturiano / Español

El propio 25 de mayo, en el 209 aniversario de la declaración de Soberanía de 1808 Andecha Astur ha presentado en la Xunta Xeneral del "Principado" una propuesta para que "asuma los hechos históricos y los contenidos políticos de aquel 25 de mayo de 1800, apruebe una resolución dejando establecido que la soberanía reside en el Pueblo Asturiano y oficialice la celebración institucional de esta fecha como expresión y reivindicación del derecho a decidir que nos corresponde como Pueblo".

La propuesta se realiza tras exponer que "siendo conocidos los hechos acaecidos en 1808 en los que bajo la presión del pueblo asturiano la Xunta Xeneral del Principado se declaró Xunta Suprema y reconoció la soberarnía popular asturiana, jurando cada uno de sus componentes que "el poder, todo el poder, reside y procede del pueblo", y declarando en consecuencia la soberanía e independencia de Asturies, en lo que constituye el primer acto de autodeterminación de Asturies en la época contemporánea" y ya que la actual Xunta Xeneral del "Principado" se pretende "continuadora de aquella por más que nunca se nos permitiera al Pueblo Asturiano la posibilidad de legitimarla o no en referendum, siéndosenos impuesta desde Madrid"

Con esta iniciativa, Andecha Astur reivindica una vez más esta fecha histórica,y sale al paso de quienes pretender reivindicarla como fecha alternativa al 8 de Septiembre nada más por el carácter laico de la misma, en comparación con el uso religioso que se le da al 8 Sept. desde el "Principado". Reivindicar el 25 de Mayo olvidando que es el primer acto de autodeterminación de Asturies en la época contemporánea y que en él se reconoce expresamente que la Soberanía reside en el Pueblo Asturiano es por lo menos tan grave como hacer del origen del Reino de Asturies una festividad religiosa.

Por otra lado hay que recordar que coincidiendo con esta fecha, el 25 de Mayo, Andecha Astur celebra este sábado 27 su XX Díi d’Andecha con diferentes actividades entre las que destaca un acto de homenaje al 25 de Mayo de 1808 con la colocación de un ramo de laurel a las puertas de la Sala Capitular donde tuvo lugar la mencionada declaración de Soberanía.

La cellebración del Díi d’Andecha afitaráse na vitalidá del Pueblu Asturianu y na so capacidá p'algamar una Asturies llibre, y afondará na reivindicación del 25 Mayu

La xornada de la organización, que se cellebrará n’Uviéu de magar les 13.30 hores entámase baxo'l llema "Un Pueblu Vivu, una Asturies Llibre", afitándose na vitalidá del Pueblu Asturianu y na so capacidá p'algamar una Asturies llibre, y afondará na reivindicación de la declaración de Soberanía de la Xunta Suprema en 1808 como primer actu d’autodetermín d’Asturies na dómina contemporánia, de tala miente que se presentará una iniciativa nesti sen na Xunta Xeneral, y fadráse un actu d’homenaxe a la mesma cola colocación d’un ramu lloréu a les puertes de la Sala Capitular onde tuvo llugar la mencionada declaración de Soberanía.

Dende un entamu, el Díi d’Andecha tuvo vinculáu al 25 mayu, cellebrándose davezu’l sábadu posterior a esa fecha, siempres reivindicada dende’l nacionalismu asturianu. Nesta XX edición afondaráse nesa vinculación aprofitando pa reclamar como aquel entós la superación d’una Xunta Xeneral y un “Principado” qu’enxamás nun fueron llexitimaos en referendum pol Pueblu Asturianu, y del actual marcu llegal que representa la Costitución española que mos torga a les estremaes naciones del Estáu español al llibre exerciciu del nuesu drechu a decidir.