La indeterminación llegal na que s’alcuentra la Academia la Llingua Asturiana y la falta de proteición que devién de la non oficialidá permite una situación d’indefensión xuridica que ye aprofitada pol PSOE pa tratar d’arrequexala comu “entidá privada”, -pesia deber la so creación como organismu públicu al Gobiernu preautonómicu -  coles consecuencies qu’ello acarreta.

Nun ye d’estrañar que’l PSOE quiera allugar a l'a Academia la Llingua Asturiana fuera les competencies publiques, nun ye más qu’otru vergoñosu  guelpe d’esti partíu na so guerra escontra la llingua d'Asturies. De fechu, quita-y la reconocencia a l’ALLA ye un guelpe maxistral, que supondría perder lo poco que tenemos avanzao y abrir definitivamente la puerte al desaniciu oficial del asturianu.

Yá anantes dende esti partíu consiguieron francer la unidá llingüística col invertu del gallego-asturianu, bloquiar la ensiñanza n’asturianu y quinxeron cubrise les espaldes con una Oficina/Serviciu de Política llingüística que nun tien más oxetu que caltener redes clientelares y alloñar la oficialidá con xestos ensin conteníos.

Andecha Astur de Xixón sofita a les families que vieron refugada la so solicitú d’Aída escontra la Probitú Infantil del Ayuntamientu, y Sonia D. González desixó midíes imediates pa finar cola probitú que menacia a ún de ca tres neños asturianos.

Tres la denegación pol Ayuntamientu de Xixón d’aídes escontra la Probitú Infantil, qu’afeutó alrodiu de 1.400 families de les más de 1.800 que les solicitaren, pesia cumplir colos requisitos precisos, altricando falta de presupuestos municipales, Andecha Astur fexo llegar el so sofitu a la Plataforma d’afeutaos, desixendo una revisión imediata de les aídes refugaes.

Arriendes d’ello, Sonia D. González, responsable de la estaya de Muyer y Reciella d’A.A, desixó que se tomen midies inmediates, tantu a nivel de conceyu como de toa Asturies, p’atayar el grave problema de probitú de la reciella que mos asola: “Acordies l’informe d’UNICEF nel 2.015, un de ca tres menores n’Asturies viven en condiciones de probitú, pero somos coscientes de que dende esa fecha esi porcentaxe nun fizo sinon xorrecer, ensin que los que son políticamente responsables de torgar el problema s’esmolecieren lo más minimo”.

Presentemos nel Senáu una riestra entrugues sobro la situación de la fauna marina asturiana al traviés d’EH Bildu, los nuesos socios de coalición en Los Pueblos Deciden.

Nel escritu recuérdase que demientres el mes de xineru, apaecieron delles tolines muertes na costa asturiana, y que’l “Principado” dexó inoperativa la Rede de Varamientos del Cepesma, una rede qu’atendía y salvaba a les tolines que quedaben varaes na costa, de tala miente qu’agora nun hai alternatives vidables pa l’atención de la fauna marino. Ello asina atopámosmos  ensin dengún cientru de recuperanza p’animales marinos, ensin presonal formáu y ensin medios afayaízos pa esta triba d’anteción.

Dao que sigún la llexislación vixente, el Ministeriu de Mediu Ambiente español ye’l másimu responsable de la fauna marino de les augües territoriales asturianes, Andecha Astur solicitó a dichu Ministeriu rempuesta sobro les entrugues que vienen darréu:

Nel Díi de la Llingua Materna quedó nidio que la sociedá asturiana ca vuelta ta más comprometío cola llingua d’Asturies. “La Oficialidá ye inevitable ya inegociable”, afirma Lola Suárez.

La cabezalera de la Estaya de Llingua y Cultura Asturiana d'Andecha Astur, valoró perpositivamente la rempuesta de la sociedá asturiana nel Díi de la Llingua Materna cellebráu ayeri, tanto pola fargatada d’iniciatives reivindicando la llingua d’Asturies, como pola claridá cola que s’espresaron, siendo la Oficialidá un requerimientu xeneralizáu: “La sociedá asturiano tien nidio que la Oficialidá ye un puntu partía pa la normalización llingüística n’Asturies, y persabe que tolo que se faiga ensin pasar perí nun son más que maniobres de distraición. A estes altures el “Principado” debiere ser cosciente de que nun engaña a naide, y que la Oficialidá ye inevitable ya inegociable”.

Nesti sen tamién valoró los actos comemorativos entamaos pol “Principado”, “pocos, y probes de conteníos y d’espíritu”, amestando que “lo que pretende’l “Principado” ye siguir perdiendo’l tiempu con actuaciones que nun van a dengún llau, aniciando una rede clientelar al rodiu la llingua y xenerando seudointeleutuales sumisos mentes dexa la llingua nun auténticu guetu dientru d’un marcu de represión llingüística xeneralizada. La sociedá sabe qu’emplegar con normalidá la so llingua va suponer perxuicios sociales, políticos y económicos. Quien facer del asturianu una llingua pa frikis, aldeganos y “terroristes”... too eso mentes se sigue afondando nel procesu de galleguización socio-llingüística del ocidente asturianu”

Presentemos una riestra d'entrugues al respeutu al traviés de EHbildu, los nuesos socios de coalición en Los Pueblos Deciden.

Énte la intolerable situación na que s'atopa'l serviciu de FEVE nel nuesu país, que ta llevando a escalar el mentáu serviciu de tresporte públicu, no qu'atalntamos ye un procesu de abandonu del mesmu que va implicar la privatización de los percorríos rentables y el desdexamientu del restu, cola consiguiente desconexón territorial del nuesu país.

Concretamente, y como recoyeron estremaos medios de comunicación “el 60% de les cancelaciones de trenes de FEVE en tola so rede prodúcense n'Asturies, según datos del comité d'empresa." Según estos medios, en 2016, les supresiones fueron cuasique 2.000 de les 3.500 que se produxeron en tola cornisa cantábrica. Too ello vendríe motivao pola falta de caltenimientu de la maquinaria, que na so mayoría tien más de 20 años.

Por cuenta de ello, Andecha Ástur, faciéndose ecu de les solicitúes rializaes polos trabayaores reclamó un plan de modernización p'Asturies  y la reparación del material.