El Pozu Maria Luisa, espresión de lo que supunxo la “reconversión” de la minería asturiana, preslla esti 30 d'avientu.

Con 158 años al llombu, el Pozu Maria Luisa entamó la reconversión en 1992 con 1.600 mineros y esti 30 d'avientu presllará dafechu. Pa llegar equí fixeron falta munchos Villa y munchos Areces, collaboraores necesarios –y bien pagaos- de lo que foi l’esfarrapamientu del seutor mineru asturianu pol Estáu español.

Escomenzaron falando de reconversión y cuando Andecha Astur denunció lo que taben faciendo ignorárenmos cuando pudieron, silenciáronmos cuando nun pudieron ignoramos, menaciárenmos cuando nun fueron a silenciamos, y cuando nun teníen como facemos achantar llegaren a criminalizamos. Había munchu panchón pa repartir, y queríenmos sordos, ciegos y mudos mentes diben enllenando la faltriquera col sufrimientu d’un pueblu al que condergaren al paru, la precariedá y la emigración forciada de la mocedá.

Nun toviemos solos na llucha, y nun podemos menos que reconocer l’importante papel xugáu pol sindicatu Corriente Sindical d’Izquierda na defensa de la minería asturiana frente al entreguismu interesáu de les direiciones sindicales de SOMA-UGT y CCOO.

De magar la Xornada de Formación y Alderique, entamamos nueves estayes de trabayu cola tema del padrimoniu, les redes sociales y la estratexa comunicativa en xeneral.

LA SIDRA.- La dinámica de formación y alderique como mecanismu participativu y de preparación tornó a resultar especialmente efeutiva, xunciendo aspeutos concretos de les actividaes colo que ye la llinia política y la implicación presonal de los miembros de la organización, abriendo calces participativos que permitan l'averamientu de los simpatizantes y meyorar tanto la dinamica interna como esterna.

Otru aspeutu fundamental foi la estratexa comunicativa, onde s'analizó la situación xenerada pol boicó comunicativu que carecemos y estudiárense mecanismos alternativos comunicacionales que mos permitan superalu na midía de los posible. Nesi sen entamóse una estaya de comunicación abierta qu'esperemos escomiece a dar resultaos aína.

El “mudu” l’incapaz presidente d’un inutil “Principado”, entregó’l votu de 146.336 asturianos pa investir presidente a Mariano Rajoy, mentes dexaba n’evidencia ‘l calter sucursalista y meramente decorativu del “Principado” 

Col argumentu en milenta campañes de pidir el votu pal PSOE pa evitar que “la derechona” llegue al poder, Javier Fernández acaba de lliderar la entrega del gobiernu del Estáu a Marinao Rajoy, espresión mesma de la derechona más reacionaria y pelligrosa pal conxuntu de los seutores populares y pa les naciones del Estáu.

Andecha Astur entama pal prósimu 12 payares una xornada de formación y alderique en Xixón.

La xornada desendolcaráse n'horariu de mañana y tardi y tendrá l'avezáu calter participativu, nel que los participantes son los braeros protagonistes, estableciéndose espacios propios pal alderique y la valoración de la situación d'anguañu y la llinia política a siguir.

Concretamente na xornada de mañana cuntaráse cola participación del abogáu Amable Concha, que desendolcará la nueva Llei de Padrimoniu del "Principado" y les sos repercusiones a efeutos práuticos, pa valorar les posibilidaes qu'ufierta a l'actuación política, dempués tendrá llugar l'alderique alrodiu de les dinámiques de participación interna y mecanismos de potenciación del movimientu soberanista n'Asturies.

 

Bonos dies a toos y toes,

 

Güei tamos equi pa vindicar el Dii de la Nacion Asturiana y reclamar los drechos que nos son negaos comu pueblu trabayaor asturianu.

P’Andecha Astur el 8 setiembre ye el dii de la nuesa  nación porque supón remembrar la primer espresión política conocía del nuesu pueblu como tal, ello ye, la nacencia del Reinu d´Asturies. Si bien ye ciertu que´l nuesu pueblu existe dende bastante mas p´atras na Hestoria, ye nel 711 cuando se creyen unes cadarmes de organización propies que lleguen a los nuesos díis altravies de testimonios escritos.

Pa nós el Díi la Nación podría ser otru, sobrenmos los referentes hestoricos, comu’l llevatamientu de 1808 , la revolución del 34, el conseyu soberanu de Asturies y Llión, etc etc. De fechu pa nós tolos diez tienen que ser el dii de la nación porque tolos diis del añu tenemos que revindicar y lluchar pola reconocencia de los nuesos drechos nacionales y sociales.