De magar la Xornada de Formación y Alderique, entamamos nueves estayes de trabayu cola tema del padrimoniu, les redes sociales y la estratexa comunicativa en xeneral.

LA SIDRA.- La dinámica de formación y alderique como mecanismu participativu y de preparación tornó a resultar especialmente efeutiva, xunciendo aspeutos concretos de les actividaes colo que ye la llinia política y la implicación presonal de los miembros de la organización, abriendo calces participativos que permitan l'averamientu de los simpatizantes y meyorar tanto la dinamica interna como esterna.

Otru aspeutu fundamental foi la estratexa comunicativa, onde s'analizó la situación xenerada pol boicó comunicativu que carecemos y estudiárense mecanismos alternativos comunicacionales que mos permitan superalu na midía de los posible. Nesi sen entamóse una estaya de comunicación abierta qu'esperemos escomiece a dar resultaos aína.

Andecha Astur entama pal prósimu 12 payares una xornada de formación y alderique en Xixón.

La xornada desendolcaráse n'horariu de mañana y tardi y tendrá l'avezáu calter participativu, nel que los participantes son los braeros protagonistes, estableciéndose espacios propios pal alderique y la valoración de la situación d'anguañu y la llinia política a siguir.

Concretamente na xornada de mañana cuntaráse cola participación del abogáu Amable Concha, que desendolcará la nueva Llei de Padrimoniu del "Principado" y les sos repercusiones a efeutos práuticos, pa valorar les posibilidaes qu'ufierta a l'actuación política, dempués tendrá llugar l'alderique alrodiu de les dinámiques de participación interna y mecanismos de potenciación del movimientu soberanista n'Asturies.

 

Bonos dies a toos y toes,

 

Güei tamos equi pa vindicar el Dii de la Nacion Asturiana y reclamar los drechos que nos son negaos comu pueblu trabayaor asturianu.

P’Andecha Astur el 8 setiembre ye el dii de la nuesa  nación porque supón remembrar la primer espresión política conocía del nuesu pueblu como tal, ello ye, la nacencia del Reinu d´Asturies. Si bien ye ciertu que´l nuesu pueblu existe dende bastante mas p´atras na Hestoria, ye nel 711 cuando se creyen unes cadarmes de organización propies que lleguen a los nuesos díis altravies de testimonios escritos.

Pa nós el Díi la Nación podría ser otru, sobrenmos los referentes hestoricos, comu’l llevatamientu de 1808 , la revolución del 34, el conseyu soberanu de Asturies y Llión, etc etc. De fechu pa nós tolos diez tienen que ser el dii de la nación porque tolos diis del añu tenemos que revindicar y lluchar pola reconocencia de los nuesos drechos nacionales y sociales.

El “mudu” l’incapaz presidente d’un inutil “Principado”, entregó’l votu de 146.336 asturianos pa investir presidente a Mariano Rajoy, mentes dexaba n’evidencia ‘l calter sucursalista y meramente decorativu del “Principado” 

Col argumentu en milenta campañes de pidir el votu pal PSOE pa evitar que “la derechona” llegue al poder, Javier Fernández acaba de lliderar la entrega del gobiernu del Estáu a Marinao Rajoy, espresión mesma de la derechona más reacionaria y pelligrosa pal conxuntu de los seutores populares y pa les naciones del Estáu.

Paulo Arboleya intervino nel actu políticu entamáu por Andecha Astur, que finó con una suelta globos faciendo l’asturina, y continuó amiestándose al manifestamientu “Ganar la cai, faciendo país” que percorrió les cais d’Uviéu

VER INTERVENCIÓN POLÍTICA DE PAULO ARBOLEYA

Nun ambiente onde s’alendaba l’enfotu de los asistentes, la intervención política de Paulo Arboleya resultó especialmente didáutica, desplicando lo que ye’l Díi de la Nación Asturiana, l’apueste pola Soberanía y el Socialismu, la denuncia del sucursalismu españolista y la xunidá del soberanismu asturianu dende’l respetu a la diferencia y les dinámiques propies “El fechu de que esistan movimientos, qu’entamen otros actos, nun quita pa que les organizaciones podamos seguir faciendo actos propios, dientru la nuesa dinámica,  onde faigamos publiques les nueses revindicaciones particulares, y a la mesma vegá, poder participar n’actos xunitarios onde se revindiquen los drechos del nuesu Pueblu coles que tamos d´alcuerdu, pero, como nesti casu, que nun consideren el 8 setiembre comu Dii de la Nación Asturiana, o bien nun lo faen públicamente. El fechu de qu’hebia diferencies nun tien que dixebramos, sinon que tien que llevamos a ver precisamente la necesida de esos llugares comunes pal alcuentru y la lliberta de caún pa facer visible por sigo  mesmu los sos plantegamientos propios, siempres dende’l respetu.”