La renuncia de la Dellegación del Gobiernu español n'Asturies  a recurrir les ordenances d'oficialidá del conceyu supón un avance nel procesu d'Oficialidá de la llingua asturiana a nivel nacional.

La ordenanza municipal del asturianu, aprebada en Noreña a propuesta de Conceyu Abiertu, entra yá en vigor tres cumplir tolos trámites llegales, una vuelta que la Dellegación del Gobiernu español n'Asturies, que nel so momentu reclamare l'anulación de la ordenanza, renunció a exercer esi llabor represivu.

Ye la primer vegada que dicha Dellegación nun recurre una ordenanza d'oficialidá n'Asturies, y supón un puntu d'inflexón na dinámica de represión llingüística que carecemos n'Asturies, reconociendo asina la so incapacidá pa torgar un procesu de reivindicación y recuperación llingüística socialmente imparable.

 

 Ello asina, Andecha Astur espera qu'esti seya un primer pasu cara a la inevitable normalización democrática en materia llingüística, y que pasu ente pasu, gracies al esfuerciu de conxuntu de la sociedá asturiana, la nuesa llingua nacional seya reconocía oficialmente en tol territoriu asturianu.