La falta d’información sobro la esistencia de proyeutos rellacionaos con Asturies a presentar al programa comunitariu d’infracadarmes “Coneutar Europa” ye un fechu esmoleceor. Ye más, fálase del “AVE del Cantábricu” pero desconozse si ensiquiera esiste esi proyeutu  y munchu menos si cunta con daqué presupuestu que lu faiga vidable.

Ye evidente la incomunicación a la que l’Estáu español somete a Asturies (ferroviaria, marítima, etc), por ello Andecha Astur quier saber que planes tien el Gobiernu español sobro esti tema y vien de presentar énte’l Senáu una riestra d’entrugues al traviés d’EH Bildu, los nuesos socios de coalición en Los Pueblos Deciden.

 

1.- ¿Qué proyeutos d’Asturies unviará’l Ministeriu Fomento a Bruseles pa entrar nel plan "Coneutar Europa"?

2.- ¿Continúa’l Gobiernu calteniendo’l plan “AVE del Cantábricu” dientru’l Plan Noroeste? ¿Esiste daqué programación o presupuestu a curtiu o mediu plazo pa dichu proyeutu?

3.- ¿Contempla’l Gobiernu el correor ferroviariu que coneute los grandes puertos de la cornisa cantábrica? ¿Cuala  ye la previsión sobro esi proyeutu?