Una dellegación d’Andecha Astur desplazóse a Iruña pa compartir con EA l’Alkartasuna Eguna

Dientru la xera de rellaciones internacionales, Andecha Astur desplazó una dellegación a Nafarroa, onde fueremos convidaos por Eusko Alkartasuna a participar nel so díi, qu’esti añu tuvo comu exe central el Drechu a Decidir de los pueblos.

Como nun podía ser d’otra miente nel momentu que tamos viviendo,  l‘Alkartasuna Eguna cellebróse mirando pal pueblu catalán, a quienes identificaron como “el primer frente pola democracia” al que tendrán de siguir el resto de naciones ensin estáu d’Europa, con Asturies pente elles. Na so intervención el secretariu xeneral d’Eusko Alkartasuna, Pello Urizar, amosóse convencíu de que’l prósimu 1 d’ochobre la sociedá catalana "va a poder votar pa decidir  el so futuru” pero destacó tamién el pilancu que representa la escasa calidá democrática y la incapacidá pal diálogu del estáu español que “trata d’imponer l’imperiu de la so llei, perriba la voluntá de los pueblos.”

Al actu acudieron  representantes d’estremaes naciones ya’l consensu foi unánime nel sen de la importancia de xuntar fuercies escontra los estaos imperialistes ya en  defensa del drechu de los pueblos a decidir y escoyer el so futuru.