Confírmase la denuncia d’Andecha Astur de que nun esisiten proyeutos pa qu’Asturies se beneficie de los 1.000 millones d’euros d’aídes del programa européu “Coneutar Europa”.

Dempués d’una llarga campaña mediática na que s’afirmaba qu’Asturies diba ver iguaes munches de les sos carencies en materia de comunicación con Europa y que, por exemplu, proyeutos como l’autopista’l mar Xixón-Nantes diba recuperase gracies a estes aídes europees, Andecha Astur fexo una riestra entrugues al gobiernu español al traviés del Senador Jon Iñarritu, d’EH Bildu, -compañeros de la coalición europea Los Pueblos deciden de la que forma parte Andecha Astur- cuya rempuesta confirma la denuncia d’Andecha Astur de que taba vendiéndose fumu a los asturianos, embayándomos de nueu con inversiones pernecesaries, pero qu’a la fin queden en ná.

Andecha Astur quier sofitar públicamente la convocatoria d’un referendum nel que’l pueblu catalán pueda votar si  quier o non costituyise nun Estáu propiu.

El que los pueblos puedan decidir llibremente’l so futuru ye un drechu básicu de toles naciones del mundiu, reconocíu ente otres na Declaración de Drechos Humanos y de los Pueblos, un drechu qu’Andecha Astur siempres desixó pal pueblu asturianu y qu’agora, cuando’l gobiernu catalán quier faer usu d’elli, sofita de toes toes.

Nel mesmu sen, consideramos antidemocrátticu comportamientu del gobiernu español negándose a negociar un referendum pautáu y vinculante, talo que los que vienen rializándose en Quebec o Escocia, y denunciamos la escalada represiva cola que menacia y que yá ta exerciendo, polo que quier faer público la so solidaridá col pueblu catalán y coles fuercies polítiques yas isituciones catalanes que tan siendo atacaes y menaciaes pol gobiernu de Rajoy.

Coincidiendo cola celebración del díi de la Muyer trabayaora, les muyeres kurdes  cellebren la Selmana de la Muyer y convoquen a muyeres de tol mundiu a acompangales na so llucha. La so intención ye enllenar les cais y cientros sociales de les más emportantes ciudaes kurdes coles sos reivindicaciones.

Dende la Estaya de la Muyer  d’Andecha Astur, Sonia González,  unvióse-yos unes pallabres de solidaridá na so llucha, tan asemeyada a la de nueso.

“ Ye duro pa mi, una muyer d’un país  “civilizáu”, con tolos “avances” que les muyeres vamos algamando al traviés d’años de llucha, con una vida “normal y tranquila”  nun estáu nel que les muyeres son violaes, asesinaes, golpiaes, dispreciaes, ofendíes, insultaes, infravaloraes, mal pagaes y escaeces diariamente, reconocer la esistencia d’otres muyeres, vosotres, que tando en condiciones tremendamente peores que les de nueso, tienen por embargu'l valor, la iniciativa, la fuercia y l’enfotu de salir a la cai, non a mermurar que tienen drechos, non a pregar por una migaya de respetu, sinón a glayar como campeones, que sois muyeres, que sois kurdes, que sois llibres. Tola mio almiración y apoyu nes lluches (como muyeres y como pertenecientes a una nación primía) que compartimos. Dende Asturies, dende la estaya de muyeres d’Andecha Astur, un candial abrazu. “

Los responsables d’Internacional de Sortu, Pernando Barrena y Niko Moreno, aconceyaron ayeri  con Andecha Astur pa tratar temes d’actualidá como la situación xenerada pol procesu soberanista catalán, el prósimu congresu de EH Bildu, la situación del procesu de paz vascu o l’actividá de  la representación de “Los Pueblos Deciden” na Xunión Europea.

L’aconceyamientu, que tuvo llugar nel llocal d’Andecha Astur n’Uviéu, resultó enforma positivu y les dos partes tovieron ocasión  d’intercambiar información y valoraciones sobro les diferentes rialidaes que se viven nos nuesos respeutivos países, y les llinies polítiques que se siguen nesti momentu.

Acullá del avezáu bon entendimientu ente les  respeutives organizaciones, el aconceyamientu d’ayeri foi especialmente interesante pol analís de la situación que se vive a nivel estatal y la percepción de los cambios que se producirán aína, motivu pol que se fai más que preciso meyorar la nuesa cadarma organizativa y la capacidá d’incidencia social pa conseguir qu’Asturies seya quien a aprofitar esta situación.

Valoración enforma positiva de la dellegación asturiana a Cornualles, quedando abiertes víes de collaboración de magar les qu’avanzar conxuntamente.

Los contautos cola organización política Mebyon Kernow (Fíos de Cornualles), al traviés del so diputáu nel parllamentu córnicu, Andrew Long, ún de los doce representantes d’esti partíu nel mencionáu parllamentu que cunta con 123 escaños, resultaron especialmente interesantes, asina como conocer les posibilidaes qu’ufierta l’Allianza Llibre Europea, cola que la coallición europea na que s’afaya Andecha Astur, Los Pueblos Deciden, guarda una estrecha rellación.

La ponte na que se sacó la semeya con Andrew Long ye’l Polson Bridge;  tien importancia porque solía ser el pasu fronterizu principal ente'l norte de Cornualles ya Inglaterra.