El “mudu” l’incapaz presidente d’un inutil “Principado”, entregó’l votu de 146.336 asturianos pa investir presidente a Mariano Rajoy, mentes dexaba n’evidencia ‘l calter sucursalista y meramente decorativu del “Principado”
Col argumentu en milenta campañes de pidir el votu pal PSOE pa evitar que “la derechona” llegue al poder, Javier Fernández acaba de lliderar la entrega del gobiernu del Estáu a Marinao Rajoy, espresión mesma de la derechona más reacionaria y pelligrosa pal conxuntu de los seutores populares y pa les naciones del Estáu.
Quien entregó la presidencia del Parllamentu asturianu al PP en 2011 y negoció los presupuestos del “Principado” col mesmu PP, agora entrega los votos de 146.336 asturianos a esa derechona que siempres afirmaron querer evitar. Mariano Rajoy ye presidente gracies a los que votaron pa evitar que lo fuera y el PSOE torna a traicionar a los sos votantes asturianos.
Pel camín Javier Fernández dexoón’evidencia’l calter sucursalista y meramente decorativu del “Principado”, al interrumpir les actividaes parllamentaries d’esa istitución impuesta dende qu’asumió la presidencia de la Comisión Xestora del PSOE qu’entregó’l gobiernu a Mariano Rajoy. Desatendiendo l’actividá politica n’Asturies p’atender lo que pasa en Madrid..
L’Estáu españo ye irreformable, y una vuelta más, l’alternativa Soberanista apaez como única posibilidá de tresformación social, y recuperación de los drechos individuales y colleutivos. Namás dende la nuesa condición d’asturianos y asturianes y col compromisu firme d’una alternativa de reconstruición nacional y social p’Asturies.
