Andecha Astur entama pal prósimu 12 payares una xornada de formación y alderique en Xixón.
La xornada desendolcaráse n’horariu de mañana y tardi y tendrá l’avezáu calter participativu, nel que los participantes son los braeros protagonistes, estableciéndose espacios propios pal alderique y la valoración de la situación d’anguañu y la llinia política a siguir.
Concretamente na xornada de mañana cuntaráse cola participación del abogáu Amable Concha, que desendolcará la nueva Llei de Padrimoniu del «Principado» y les sos repercusiones a efeutos práuticos, pa valorar les posibilidaes qu’ufierta a l’actuación política, dempués tendrá llugar l’alderique alrodiu de les dinámiques de participación interna y mecanismos de potenciación del movimientu soberanista n’Asturies.
Na tardi trabayarase especialmente la tema comunicativa, cola intervención de Xuan Nel Gonzali, espertu en comunicación en redes sociales, que propondrá dinámiques d’actuación concretes nesti campu, pa siguir col alderique sobro medios de comunicación n’Asturies, valoración y propuestes.
Les xornaes tendrán llugar nel llocal d’Andecha Astur en Xixón y son de baldre pa miembros y simpatizantes de la organización, siendo preciso apuntase previamente por mail: andechainfo@gmail.com
PROGRAMÍN (provisional)
10:30 h. Llei de Padrimoniu del «Principado» conteníos y posibilidaes d’actuación. Amable Concha
12:30 h. Posa pal café
12:45 h. Alderique Participación Interna y potenciación del movimientu soberanista.
14:00 h. Xinta
16:30 h. Redes Sociales, información y dinámiques d’actuación. Xuan Nel Gonzali.
18:15 h. Posa pal café
18:30 h. Alderique Medios de comunicación, valoración y propuestes d’actuación.
20:00 h. Espicha fin de xornada.
