El Pozu Maria Luisa, espresión de lo que supunxo la “reconversión” de la minería asturiana, preslla esti 30 d’avientu.
Con 158 años al llombu, el Pozu Maria Luisa entamó la reconversión en 1992 con 1.600 mineros y esti 30 d’avientu presllará dafechu. Pa llegar equí fixeron falta munchos Villa y munchos Areces, collaboraores necesarios –y bien pagaos- de lo que foi l’esfarrapamientu del seutor mineru asturianu pol Estáu español.
Escomenzaron falando de reconversión y cuando Andecha Astur denunció lo que taben faciendo ignorárenmos cuando pudieron, silenciáronmos cuando nun pudieron ignoramos, menaciárenmos cuando nun fueron a silenciamos, y cuando nun teníen como facemos achantar llegaren a criminalizamos. Había munchu panchón pa repartir, y queríenmos sordos, ciegos y mudos mentes diben enllenando la faltriquera col sufrimientu d’un pueblu al que condergaren al paru, la precariedá y la emigración forciada de la mocedá.
Nun toviemos solos na llucha, y nun podemos menos que reconocer l’importante papel xugáu pol sindicatu Corriente Sindical d’Izquierda na defensa de la minería asturiana frente al entreguismu interesáu de les direiciones sindicales de SOMA-UGT y CCOO.
Güei, cuando’l tiempu dexa claro que lo que llamaben “reconversión” nun yera más que l’esfarrapamientu del texíu económicu asturianu, cuando ye evidente l’enriquecimientu illícitu de dirixentes políticos y sindicales qu’intervinieron nella, tovía vienen a dicimos que la minería nun ye rentable, y que ye la Xunión Europea la que desixe’l so preslle.
Una vuelta más tornamos a dici-yoslo: ¡Mienten!!
El carbón asturianu nun ye rentable respeutu al carbón surafricanu, ye cierto, y vamos a escaecer les condiciones llaborales nesi país, pero tamién ye cierto que la rentabilidá que se-y desixe al nuesu carbón nun se-y aplica a otros seutores españoles. La pesca, el tomate, l’aceite, el trigu español… tamién se producen más barato n’otros países y ensin embargu naide plantega que se dexen de producir.
Y en cuantes a la Xunión Europea, ye cierto que desixó’l progresible preslle de la minería, pero porque l’Estáu español, n’usufructu de la Soberanía Asturiana, negoció el so ingresu na Xunión Europea nunes condiciones inaceutables p’Asturies, y los Fondos Mineros repartiéronlos ente Madrid y la mafia político-sindical asturiana.
Quinxérenmos dóciles y nun lo fuimos, quienmos escaecederos y nun lo somos, quien vemos rendíos y seguimos na llucha.
