Esti sábadu 30 d’avientu, Andecha Astur homenaxeará a Andrés Solar, reivindicando la so figura como presona y como nacionaliegu asturianu.
A les 13 hores, y nel Cimenteriu de Deva –Xixón-, Andecha Astur reivindicará un añu más la dimensión nacionaliega d’Andrés Solar Santurio, escritor de merecíu y reconocíu prestixu nel ámbetu lliterariu asturianu del que suel tapecese’l so fondu compromisu políticu que lu llevó a ser miembru fundaor del Ensame Nacionalista Astur, presentándose por esi partíu como candidatu a la Xunta Xeneral, y siendo en tou momentu un referente pola so implicación, capacidá de trabayu y cualidaes presonales.
D’elli ye la conocía poesía:
“Prúyemos un pueblu llibre/ que nome cola so voz / los sos collacios y el pan. / Prúyemos un pueblu llibre / y una Asturies dixebrá.
Que tan bien espeya’l sentir y los enfotos del nacionalismu asturianu.
Andrés Solar foi compañeru de militancia de munchos compañeros d’Andecha Astur, y una referencia obligada pal conxuntu del nacionalismu asturianu.
