Puxa la República Asturiana!

L’actu d’homenaxe a la Revolución Asturiana d’Ochobre’l 34 resultó especialmente emotivu y fuertemente reivindicativu, nun faltando una referencia al Pueblu Catalán y el exemplu de llucha y dinidá que tan dando nestos momentos.

La intervención política, que corrió a cargu de Llucía Fernández, escomenzó remembrando los fechos hestóricos y la figura de Belarmino Tomás pa pasar darréu a facer un llamamientu a finar cola autocomplacencia que supón remembrar aquellos fechos y escaecer la rialidá que carecemos güei. Nesi puntu la intervención derivó nun monólogu en primer presona col propiu Belarmino Tomás, nel qu’ente otres coses comentóse la situación qu’anguañu se vive en Cataluña, faciendo una reflexón de conteníu hestóricu «Esmolezme qu’entamen a falar de  negociaciones ¿suénate? Tu tamién llegaste a tratos con ellos, creyisti la so pallabra y diéronte traición a cambiu. Nun son de fiar l’Estáu español».

Darréu definió Andecha Astur como «la brasa del vuesu fueu, que nun dexamos que s’amate. Que sigan soplando y verán la llaparada» y mandó un mensaxe a los otros asturianos, a los complacientes y complacíos cola Asturies sumisa y servil, apurriéndo-yos unos datos:

• 30.000 families asturianes ensin recursos
• 27% de probitú infantil
• 15.000 emigrantes forciaos al añu
• 73% de la llabranza desdexada
• 49% de los paraos ensin prestaciones
• 48% de la flota pesquera esnaiciada
• 27.000 mineros menos n’Hunosa
• Índices de contaminación un 3.000% superior a lo afitao pola OMS

 Amestando que «si eso nun los fae quere colar, dixebrase d’esi furacu prietu que ye España pa tolos pueblos, nun se como van escuchar a Andecha Astur», afitando que «cuando por fin sientan too esto y quieran lluchar por una Asturies llibre y soberana, onde’l drechu a decidir y a ser mos seya innegable, podrán contar con Andecha Astur, preparaos pa garrar el relevu y tornar a ser dueños del propiu destín»

Puxa la República Soberana d’Asturies!! Puxa Andecha Astur!!