“L’alderique sobro los presupuestos del “Principado” sigue siendo un recatéu económicu ensin conteníu políticu” afirma Paulo Arboleya.
“La nueva forma de faer política paezse muncho a la forma de facer política de los de siempres, y por si había dubies, l’alderique de los presupuestos del “Principado” tornó a dexalo nidio: naide nun plantega nin la Oficialidá de la llingua d’Asturies, nin de la necesidá de superar esa istitución y esi Estatutu que mos llantaron dende Madrid, ensin permitimos a los asturianos el llexítimu drechu a aprebalu o non en referendum”.
Como afirma Paulo Arboleya, l’alderique polos presupuestos del “Principado” nun llegó a plantegar en dengún momentu dos custiones polítiques fundamentales n’Asturies, la Oficialidá que se mos ñega y l’Estatutu impuestu que carecemos “a la fin tan toos d’alcuerdu no fundamental, caltener les estructures de poder y ñegar los drechos al Pueblu Asturianu, l’españolismu ye’l denominaor común”.
Esta ye la tercer prórroga presupuestaria en cinco años del gobiernu del PSOE nel “Principado”, pero perriba la importancia que pueda tener la dotación presupuestaria d’esa istitución sucursal, ta l’ausencia de plantegamientos políticos de fondu a la hora del alderique, qu’espeya una xunidá política no fundamental de tolos partíos con representación nel “Principado”. En pallabres de Paulo Arboleya “Son toos lo mesmo”.
