La prósima convocatoria elleutoral europea centró l’aconceyamientu ente les dos formaciones de la coalición europea Los Pueblos Deciden
Na xornada d’ayeri una dellegación del BNG aconceyo nel llocal d’Andecha Astur en Xixón con miembros de la Xunta Executiva, p’aldericar al rodiu de la prósima convocatoria d’elleiciones europees y la conformación de la coalición que sedrá más amplia que la esistente de Los Pueblos Deciden al incorporase a la mesma ERC, y otres organizaciones del Estáu español.
L’aconceyamientu sirvió pa compartir les visiones y proyeutos alrodiu d’esta nueva coalición, y tamién p’afitar les rellaciones ente les dos organizaciones polítiques nacionaliegues, dándose un intercambiu de valoraciones alrodiu de la situación nes respeutives naciones nel planu socio-económicu y cultural, asina como’l papel de la izquierda sucursalista como encontu del modelu estatalista d’anguañu.
En representación del BNG participó Rubén Cela, responsable de rellaciones internacionales; Xavier Campos, responsable de comunicación, Ester Vázquez, da área xurídica, Paulo da Pena, responsable del BNG n’Asturies y Bieito Lobeira, responsable d’organización. Pela parte asturiana participaron los miembros de la Xunta Executiva Arturu X. Bermeyu, Carme Pérez, Marcos Fernandi y Mariano Suárez.
