Andecha Astur llama a movilizase’l 8-M con más razones que nunca pola igualdá.
El prósimu 8-M va demostrase que’l movimientu feminista ye’l fenómenu social más dinámicu del sieglu XXI, que ta algamando poner na axenda política les estremaes lluches que llideramos les muyeres nel ámbetu social, económicu, cultural, científicu, domésticu, ect.
Tamos algamando la visibilidá de les muyeres que carecen la violencia de xéneru, la precariedá llaboral, les desigualdaes salariales, ect.
Pero n’Asturies a ésto amestamos milenta motivos más pa reivindicar nesti díi. La falta d’oportunidaes, la emigración forciada, les carencies nos servicios sociales, n’educación y sanidá que mos carguen de responsabilidaes como curiaores ensin escontraprestaciones, inclusu la falta comunicaciones que mos torga la posibilidá de ver a la familia.
Son munchos los motivos que tenemos pa movilizamos, sobro tou viendo que nun hai avances sinificativos nel díi ente díi de la vida de les muyeres, y nel nuesu casu tenemos d’amestar la nuesa condición d’asturianes: muyeres d’un pueblu primíu al que nun se-y respeten drechos tan evidentes como poder falar la so propia llingua o decidir llibremente’l so futuru.
La fuelga del añu pasáu franció un techu social; esti añu hai que dar un pasu más, hai qu’amestar tamién a los homes porque son la otra metá de la sociedá que tien d’integrar los valores d’avance social y d’igualdá que reivindicamos.
¡Puxa’l 8-M!
