12. Tien de regulase un sistema educativu públicu asturianu, gratuitu, de titularidá y xestión público; con calces de xestión democrático y control comunitario y qu’abarque dende’l ciclu 0-3 años fasta l’enseñu universitariu, desaniciando la financiación direuta o indireuta de cualisquier rede de centros privaos.
L’enseñu públicu tien de garantizar una llaicidá plena y la llei tien de torgar la separtación o discriminación del escolináu por motivos de xéneru, asina comu la segregación social del escolináu.
Hai de llexisllar tamién pa que l’enseñu, públicu y priváu, asuma y respete la nuesa identidá, reconociendo la llingua asturiana comu preséu vehicular y ferramienta de cohesión ya integración social, ya incorporando suficientemente’l nuesu padremuñu ñatural, cultural, hestóricu y artísticu a los currículos.
Hai de garantizar plenos drechos educativos na fastera rural y rescatar la formación profesional y universitario del control empresarial, asegurando’l so diseñu con criterios democráticos de xestión público y controlando tolos aspeutos de la so financiación.
