16. Naguamos por un modelu sociedá sofitáu na atención dende l’ámbetu públicu a les presones mayores, a les que tienen dalgún grau de dependencia y a les que tán en riesgu de probitú o esclusión social, asegurando pensiones públiques xustes (iguales al salariu mínimu), asina comu les aídes sociales necesaries pa caltener una vida digno.
Un modelu que, lloñe d’intereses económicos privaos y d’una filosofía puramente asistencial y paliativa, defenda’l drechu a la rialización presonal de tola ciudadanía y, poro, puxe por una reintegración social activa d’aquellos seutores poblacionales qu’anguañu nun atopen pa ellos un sitiu o una fonción na comunidá.
