ANDECHA ASTUR ufierta la posibilidá de votar con papeletes en llingua asturiana, tanto a les elleiciones nacionales y de conceyu como a les europees.
Gracies a la sentencia ganada nel Tribunal Costitucional por ANDECHA ASTUR nel 2000, los asturianos tenemos la posibilidá d’emplegar papeletes n’asturianu a la hora de votar, eso sí, el mesmu TC que mos reconoz esi drechu nun obliga a que les xuntes elleutorales impriman eses papeletes, por más que seyan válides a tolos efeutos.
Ello asina, ANDECHA ASTUR espubliza n’asturianu les sos papeletes a la Xunión Europea (ANDECHA ASTUR-AGORA REPÚBLIQUES), a la Xunta Xeneral (ANDECHA ASTUR), y a los conceyos (ANDECHA ASTUR Uviéu, Xixón), y como quiera que nun van poder tar presentes nos colexos elleutorales, ufierta la posibilidá d’apurrir estes papeletes a quien quiera votar asturianu y n’asturianu.
Ye de solliñar qu’esti drechu a emplegar papeletes n’asturianu nun ye solo p’ANDECHA ASTUR, sinon que cualisquier partíu o agrupación d’elleutores puen faer usu d’elli. Que nestos 19 años namás ANDECHA ASTUR espublizara papeletes elleutorales n’asturianu diz munchu del compromisu rial de quien, cara a la galería, diz defender la Oficialidá de la nuesa llingua.
Pa faete coles papeletes pues ponete en contautu con nós en:
andechainfo@gmail.com
@andechaastur
@andecha_astur
www.facebook.com/AndechaAstur
T. 677 331 623
Hola, vivo en Madrid y he querido votar a Andecha Astur para las Europeas y me han dicho que en Madrid no os habéis presentado y no hay papeletas vuestras…asi que no os he podido votar. No sé si me han mentido porque había papeletas andalucistas, extremeñas, catalanas etc…etc…Por favor me podéis comentar si esto es cierto ?