Ana Fernández acudió a la Diada en representación d’Andecha Astur pa solidarizamos col pueblu catalán na so llucha pa poder ser ellos mesmos y cúntamos como lo vivió.
L’actu institucional con que tenia entamar la Diada fino siendo’l preslle (por mor de la lluvia¿?) perfechu, un resume del sentir d’esta cellebración. Dempues de la solemne iza de bandera y col glayiu de “la gent no sap el poder que té” (La xente nun sabe’l poder que tien) entama’l rellatu hestoricu de llucha y resistencia catalán, nel que los presos políticos y los esiliaos entemecense colos d’otros tiempos baxo ‘l llema “Tornarem”. Foi un llamau a la esperanza nun futuru en lliberta, a la confianza na llucha y na resistencia del pueblu.
El primer actu, nel Fossar de les Moreres unvióse un mensaxe altu y claru: los traidores nun tienen llugar ente nós, nin muertos. (Nin siendo fiu del enterraor).
Dempues, na ofrenda floral al monumentou de Rafael Casanova, onde ríndese homenaxe al que consideren el llíder nacionaliegu catalán. Al entamu, mentantu’l presidente de la Generalitat, Joaquim Torra, y, el Govern facia la ofrenda floral sintióse l’himnu d’España al altu la lleva nel intre de cantar Els Segadors. Naide nun se movio del sitiu, naide nun dixo un res, nin el más minimu comentariu, cenciellamente entamaron a canciar Els Segadors tal como teníen previsto. Esto sosprendio muncho a les dellegacionwa internacionales y entrugamos-yos pol motivu de la falta de rempuesta a la provocación; con total indiferencia retrucaron que xente ensin educación nin cultura haila en toles partes.
De seguio participemos nel actu d’Omnium onde como yera d’esperar reclamóse la lliberta y absolución los presos políticos y la torna los esiliaos. Tuvo guapo y pudo sentise’l sofitu que tienen ente los catalanes.
Y por fin la mani la Diada propiamente dicha, que mas bien foi una concentración, porque yera imposible movese pola cantidà impresionante de xente que participaba. N’ún ambiente festivu anque cargáu de fuerza contenía ya determinación reclamóse una vega más la llibertá los presos políticos ya el retornu los esiliaos, la independencia de Cataluna y la xunidá d’aición.
Arriendes del necesariu exerciciu de solidaridá pa col Pueblu Catalán; y dende la perspeutiva asturiana, la esperiencia catalana resulta enforma interesante, y marca una llinia d’actuación de compromisu y xunidá que venimos reclamando dende Andecha Astur pal nuesu país dende cuantayá, comencíos de que ye preciso priorizar lo que mos xune pa llevar alantre un proyeutu que permita al Pueblu Asturianu avanzar na defensa de los sos drechos presonales y colleutivos nuna Asturies llibre y soberana.
