Andecha Astur de Xixón collaborará cola Asamblea de Paraos y Precaries na llimpieza de la sablera Peña María.
L’envís d’esta aición ye múltiple: non solo llimpiaremos una zona de mariña contaminao, sinón que revindicaremos un modelu de produción que xenere más emplegos dignos y menos basoria, asina comu la necesaria implicación de l’alministración pública nes llabores de llimpieza y caltenimientu de les aríes naturales.
La salida sedrá a la una de la tardi na entrada que llinda con Xivares y dende ellí avanzaremos dica la ría d’Aboño recoyendo toles borrafes qu’alcontremos pel Camín
Esti domingu vamos facer un trabayu que nun deberiemos facer: llimpiar la basoria acumulao na sablera de Peña María depués d’un branu de turistes y mala xestión de residuos por parte la térmica d’Aboño. Pa entamar, porque esti llabor nun mos correspuende a los ciudadanos, sinon a les autoridaes competentes que tendríen de facese cargu, comu ye’l so deber, de la limpieza ya’l control, cola consiguiente creación de decenes de puestos de trabayu ; o si el gobiernu controlare afayadizamente’l vertíu de desfechos de les fabriques y les consecuencies de la masificación turística.
Per otru lláu, esta basoria ye consecuencia d’un sistema de producción y consumu capitalista, global y enfotáu nel xorrecimientu continúu, pal que l’únicu enfotu ye l’económicu, y que considera que tolo que mos arrodia -incluyendo la ñatura y a les mesmes persones- nun son más que medios de produción, perfechamente refugables una y bones nun yos son necesarios.
Xunimos la nuesa voz a la de los Paraos y Precaries d’Asturies pa desixir un modelu de desendolcu económicu respetuosu col país, que proporcione trabayu de calidá a los asturianos, pero non a costa de desaniciar Asturies.
