Na xornada d’ayeri tuvo llugar en Xixón un aconceyamientu colos collacios aragoneses de Puyalón, miembros tamién d’Agora Repúbliques
Chuserra Barrios, miembru del comité nacional de Puyalón, y Mariu Arbesú de la Xunta Executiva d’Andecha Astur, en representación de dambes organizaciones integraes na coallición Agora Repúbliques -xunto con EH Bildu, ERC, BNG y Ahora Canarias- aconceyaron na xornada d’ayeri en Xixón aprofitando pa poner en común la valoración de los resultaos elleutorales de dambes formaciones nel 28A y el 10 P, ya intercambiar opiniones sobro la rialidá política nel Estáu, situación politica y llingüística y táutiques y estratexes del soberanismu n’Asturies y n’Aragón.
Un de los temes trataos foi la política d’alliances del soberanismu vascu y catalán y del nuesu papel nesi contestu y n’Agora Repúbliques, valorándose la forma de reforciar la nuesa presencia nesa coallición.
Un alcuentru que resultó especialmente interesante que dexó nidio la necesidá de más contautos y que finó col pautu d’aconceyar periódicmente, comprometiéndomos por dambes partes a polo menos dos añales.
