Interesante entrevista a Llucía Fernández nel diariu dixital infoasturies.com alrodiu la polémica surdía pola campaña d’Andecha Astur denunciando’l «xenocidiu anunciáu»
Les campañes d’Andecha Astur nes Redes Sociales denunciando estremaos aspeutos de les polítiques del Reinu d’España y los sos secuaces del «Principado» pa con Asturies, y la situación de «xenocidiu anunciáu» que provoquen nel pueblu asturianu, tan algamando una perimportante rempuesta social, y como nun podía ser d’otra miente, tan xenerando un alderique nel que básicamente s’enfrenten una visión sucursalista y una visión soberanista d’Asturies.
En pallabres de Llucía Fernández «’esiste un conflictu d’intereses, ellos quien una provincia española más, ‘una hermosa provincia del norte’, y nós queremos seguir siendo una nación».
