Andecha Astur propón una rempuesta xunitaria a la planificación llexislativa del “Principado”

Ta treslledando l’analís d’esta planificación llexislativa a toa triba d’organizaciones a la gueta d’una rempuesta xunitaria y una nuea dinámica de defensa d’Asturies comu país con futuru pa toes y toos.

El plan llexislativu del gobiernu del “Principado” pa los cuatru años de xestión político que-y correspuenden nun plantega un res en cuatru estayes básiques pal futuru d’Asturies:

• En materia de seutores productivos, emplegu, redistribución de la riqueza y cris demográfico.
• Na promoción d’auditoríes de finances y deldes públiques, na llucha escontra la corrución y el control de la xestión público y la tresparencia.
• No que cinca a la oficialidá de la llingua asturiana y a les polítiques d’escolarización y normalización social de la mesma.
• Na superación del marcu políticu que carecemos anguañu: una institución, el “Principado”, y un Estatutu d’Autonomía impuestu, ensin dengún poder políicu, mediu baleru de competencies, con competencies concedíes y ensin asumir, y ensin incluyir denguna nuea dende 2006.

L’ausencia de midíes llexislatives precisamente nes cuatru exes vitales pal diseñu d’una Asturies con futuru y sofitá nos valores de democracia, xusticia social ya igualdá y respetu a la identidá, confirma que Barbón y el so gobiernu quien dar continuidá a la situación de cris económica y sociollaboral, perafitándose na corrución istitucionalizá que denunció’l propiu Tribunal Supremu, y ñegando la identidá hestórica, cultural ya idiomática d’Asturies, calteniendo’l statu quo políticu que caltién a Asturies sometía por decisiones esternes y esplotá por intereses ayenos.

            Ello asina, Andecha Astur ta treslledando esti analís a una llarga riestra d’organizaciones  (sociales, polítiques, culturales, sindiclaes, vecinales…). Una reflexón na que. Abiertos a les propuestes de toes y toos, priorizamos una rempuesta xunitaria y una nuea dinámica de defensa d’Asturies como país con futuru pa toes y toos, con avances llexislativos claros nes cuatro estayes enantes siñalaes.