Andecha Astur afala a priorizar el consumu nel comerciu llocal, de productos asturianos y n’empreses asturianes, nun contestu nel que la Covid-19 pon en pelligru la economía llocal y los piqueños productores
Si yá la economía asturiana en tiempos normales requier dar puxu al comerciu llocal y el consumu identitariu, la cris de la economía de mercáu pol andanciu’l coronavirus, fai que pelligre la economía llocal y los piqueños productores d’Asturies. Ello asina, faise imprescindible aidar la nuesa agricultura, ganadería, pesca, quesería, llagares, pequeña industria agroallimentario, creación, artesanía, música, arte… porque aidalos, ye aidar a toa Asturies.
Nesi sen, arriendes de faer un llamamientu al compromisu de toos y caún de los asturianos/es, Andecha Astur propón una riestra midíes pa faer rialidá esi sofitu:
- Aídes publiques pa los seutores productivos propios y prioridá pa los productos asturianos nes grandes superficies comerciales.
- Una sociedá mercantil pública p’afalar la producción, l’asociacionismu productores y el consumu asturianu, con plataforma dixital pal comerciu direutu de productos asturianos y un alcuerdu pal tresporte mercancíes.
- Redefinir la política agroallimentario del “Principado” colos criterios más xustos y caltenibles del movimientu popular pola soberanía allimentario.
Priorizar el consumu nel comerciu llocal, de productos asturianos y n’empreses asturianes ye beneficioso porque:
- Meyora l’emplegu y la economía llocal
- Garantiza’l futuru los pequeños productores
- Fixa población rural y meyora la so calidá de vida
- Equillibra territorialmente les esnales d’Asturies col ária central
- Afala un ecosistema más caltenible (ambiental y económicamente)
- L’orix cercanu de los productos mengua l’impautu medioambiental
- Afórrase n’enerxía y tresporte, mengua la güelga carbonu
- Asegura productos de calidá
- Aída a conservar les especies animales y vexetales autótones
- Ensin caena intermediaria, abarátense los precios
- Asina hai… #FuturupAsturies
4 thoughts on “#ConsumiAsturiano: Comerciu llocal, productos asturianos, empreses asturianes”