Trátase de que #ConsumiAsturiano nun seya una campaña patrimonial d’Andecha Astur, y que seya compartía pol conxuntu la sociedá asturiana d’alcuerdu a les sos propies prioridaes y sensibilidaes
Andecha Astur ta contautando con representantes de la economía llocal y los piqueños productores pa interesase poles sos circustancies particulares y ponemos a la so dimposición pa escuchar les sos situaciones concretes, propuestes y reclamaciones; manifestándo-yos la dimposición a acompangalos en posibles campañes que surdan dende’l so alrodiu.
Nel mesmu sen, preséntase-yos la campaña #ConsumiAsturiano entamada dende Andecha Astur pa dar puxu al consumu asturianu y sofitar el comerciu llocal, los productos asturianos y a los productores, empresarios y comerciantes d’Asturies, convitándolos a participar na mesma d’alcuerdu a les sos propies prioridaes y sensibilidaes, de tala miente que puedan llevala a cabu de forma independiente o colos niveles de collaboración cola organización, que camienten afayaízo, ensin denguna triba de patrimonialización nin dirixismu de la campaña por Andecha Astur.
Arriendes d’ello, tamién se-yos treslledaron les midíes propuestes al “Principado”, y que principalmente son:
- Redefinición de la política agroalimentario del “Principado”, con criterios más xustos y caltenibles, d’alcuerdu a los principios de soberanía alimentario, qu’implica la capacidá del pueblu asturianu pa definir les sos polítiques agraries y alimentaries.
- Aídes públiques pa los seutores productivos asturianos
- Proteición del mercáu llocal frente a productos qu’inunden el mercáu per baxo de coste y con alta buelga de carbonu por mor del tresporte.
- Aniciu d’una sociedá mercantil pública con plataforma dixital pal comerciu direutu de productos asturianos, que incluya un alcuerdu pal tresporte de mercancies.
Too ello dientru la dinámica d’Andecha Astur afalando a priorizar el consumu nel comerciu llocal, de productos asturianos y n’empreses asturianes, nun contestu nel que la Covid-19 pon en grave pelligru la economía llocal y los piqueños productores.
Poro, convídase-yos a los seutores direutamente afeutaos, y al conxuntu de la sociedá asturiana a compartir los hashtag #ConsumiAsturiano #FuturupAsturies y manifiéstase la dimposición de la organización en participar nes iniciatives que puedan dir surdiendo nesi sen.
