Considera urxente la reapertura de servicios sanitarios nos pueblos y el so afayamientu a la sobrocarga que supón la masificación turístico
Na xornada d’ayeri los vecinos de Posada manifestáronse, lo mesmo que vienen faciendo n’otros munchos pueblos asturianos, desixendo la reapertura del serviciu d’urxencies cuya carencia obliga a los vecinos a desplazase a la capital del conceyu.
Too ello agravao pola sobrocagra sanitario que supón la masificación turístico del conceyu, que múltiplica por diez el númberu presones que pasen ellí branu –munches d’elles provinientes de llugares con alta prevalencia del coronavirus- ensin qu’ello venga acompangao d’un afayamientu de los servicios sanitarios, tolo cual xenera una situación de desatención sanitario inxustificable, especialmente col andanciu que tamos careciendo.
Andecha Astur vien denunciando dende enantes del andanciu, el desdexamientu de la Sanidá Pública Asturiana, favoreciendo la so progresiva privatización, too ello agravao agora mesmo pol preslle de los consultorios méllicos na fastera rural, especialmente nel ocidente y oriente del país, y que Barbón y la so Conseyería de Sanidá pretenden continuar polo menos fasta’l 30 setiembre.
Nesti sen, y énte les polítiques de castigu de l’Asturies rural, Andecha Astur tien pidío al presidente Barbón que convoque una sesión estraordinaria del Plenu la Xunta Xeneral pa, ente otres coses, presentar ellí un plan urxente d’atención sanitario afayáu a les necesidaes de los pueblos asturianos.
