Caltiénse la propuesta alternativa de dedicar eses cais a la Sanidá Pública Asturiana, en reconocencia del so llabor nel andanciu del coranovirus, y en defensa de la so calidá y de los recursos precisos
Tres la propues d’Andecha Astur de Xixón a la Casa Conceyu, nel sen de retirar l’avenía dedicada a Juan Carlos I, camudándola por Salú Pública Asturiana, n’homenax a los méritos amosaos pol presonal sanitariu del nuesu país demientres l’andanciu prevocáu pol CORONAvirus, y tamién na defensa de una Sanidá Pública Asturiana de calidá y con recursos.
La propuesta fecha en Xixón, ta teniendo un ampliu sofitu popular, de tala miente qu’agora mesmo la Casa Conceyu, que presume de tar goberná por una mayoría progresista d’esquierdes conformá por PSOE ya IU, va tenelo complicao pa nun faer casu a esti pidíu, y esperamos qu’otru tantu pase nos conceyos d’Avilés, Les Arriondes y Cangues d’Onís, que xunto con Xixón son los únicos conceyos que caltienen cais dedicaes a esi presonaxe.
El fundamentu d’estes propuestes ye perasemeyáu en tolos casos, alxuntando’l presentáu na Casa Conceyu de Les Arriondes
Andecha Astur ESPÓN:
SEGUNDO.- Que’l ciudadanu Juan Carlos Alfonso Víctor María de Borbón y Borbón, conocíu col nomatu de “Juan Carlos I” y con DNI 00000010, vieyu ocupante del títulu de rei español, heredó’l puestu de xefe del Estáu español direutamente del dictaor facista Francisco Franco Bahamonde, ensin tener pasao enxamás por denguna votación democrática.
TERCERO.- Que del ciudadanu conocíu comu Juan Carlos I, amás de ser herederu direutu del franquismu, custiónase davezu la so supuesta fidelidá democrática nel golpe d’estáu facista de 1981, protagonizáu pol teniente coronel de la Guardia Civil Antonio Tejero y pol xeneral Alfonso Armada y Comyn, es-Secretariu de la Casa Rial española y segundu xefe del Estáu Mayor del exércitu español.
CUARTO.- Qu’amás, comu ye público y notorio, Juan Carlos I presenta un curriculum vergoñosu en cuantes a presuntu tráficu d’influyencies, cobru comisiones, ocultación de padremuñu monetariu, evasión fiscal y otros presuntos delitos, motivos polos que fasta’l so fíu, el ciudadanu Felipe Juan Pablo Alfonso de Todos los Santos de Borbón y Grecia, conocíu col nomatu de “Felipe VI”, fae esfuercios riales por separtase del so nome, estirpe y responsabilidaes.
QUINTO.- Qu’el conceyu de Cangues d’Onís ye un llugar asturianu amante de la democracia, de la exemplaridá cívica y de la igualdá ente la ciudadanía.
SESTO.- Que tolos fechos asoleyaos indiquen que lo más razonatible, xusto y democrático ye que nel conceyu de Cangues d’Onís nun hebia dengún elementu urbanísticu que sirva de remembranza y homenax a un presonax comu l’enantes señaláu.
De mou que, pola importancia de tolo enantes desplicao y pola necesidá evidente de caltener una convivencia ciudadana en condiciones de coherencia, dinidá y democracia,
SOLICITA:
Que la Casa Conceyu de Cangues d’Onís considere nuna sesión plenaria los argumentos equí espuestos y, darréu, tome’l determín democráticu de camudar el nome de la “Cai de Juan Carlos I”, proponiendo comu alternativa’l nome de “Cai de la Sanidá Pública Asturiana”, n’homenax a los méritos amosaos pol presonal sanitariu del nuesu país demientres l’andanciu prevocáu pol CORONAvirus.
