Andecha Astur y un conxuntu más d’organizaciones asturianes convocamos un actu de rechazu al paséu que van dar güei xueves per Asturies los reis Borbones.
Esta rempuesta popular tendrá llugar na Plaza Xardines del Náuticu (Xixón), el mesmu xueves, 30, a les 13 h.
Consideramos que ye inecesaria la presencia n’Asturies de los Borbones porque nun representen nin un réxime democráticu nin los intereses del pueblu trabayaor. La monarquía ye un problema de salú político, grave y enquistáu, que tien l’Estáu español, porque amás de la inmoralidá que representa’l poder heredáu por vía xenética, esta monarquía ye la heredera direuta del réxime franquista y responsable de múltiples delitos en materia monetaria y fiscal, col únicu oxetivu d’arriquecese a costa de los sos supuestos “súbditos”.
Asturies nun tien rei. Participa nesti actu de rechazu a la monarquía y, si pues, ven con una semeya de los Borbones.
Comunicáu d’Andecha Astur de refuga a la visita de los Borbones
Movilización d’Andecha Astur en defensa de la República Asturiana frente a la monarquía española
