La xestión de les places de mélicu internista dan la midía del caos sanitariu de Barbón
L’exemplu de xestión sanitario que comentamos darréu ye sólo eso, un exemplu. Pero ye tan sinificativu que permite sacar conclusiones evidentes de cuála ye la política sanitaria d’esta gran figura reformaora que prometió ser Adrián Barbón Rodríguez.
LOS FECHOS
Nel Hospital de Xarrio hay 7 mélicos internistes. Fartucos d’unes condiciones llaborales males, que la xerencia y el SESPA ñegábense a meyorar, ún cola p’Andalucía porque-y garanticen meyores condiciones. Tres d’él marchen, fora d’Asturies, otros cuatru más. De mou qu’en Xarrio queden namái 2 internistes, xustamente los que nun puen colar porque son interinos.
LA “SOLUCIÓN” DE BARBÓN
Barbón determina nun cubrir les cincu vacantes de Xarrio pelos calces normales. Per sí se decreta la obligación d’un mélicu internista del HUCA de dir a trabayar forzosu a Xarrio, teniendo de paga-y 1.500 €/mes en conceutu dietes. Xarrio pierde cuatru internistes. L’HUCA pierde un internista. Y toos a trabayar fastidiaos.
LES CONSECUENCIES
- Profesionales sanitarios asturianos con alta cualificación vense obligaos a emigrar pa fuxir d’una xestión hospitalaria penosa y d’unes condiciones llaborales llamentables.
- El gobiernu, enantes de dexar bien atendíes les necesidaes d’un hospital, prefier tener mal atendíes les de dos hospitales.
LES CONCLUSIONES
- A Barbón nun-y importa la salú los asturianos/es.
- A Barbón nun-y importa’l drechu llaboral nin el bientar de los sos sanitarios/es.
- La única política sanitario esistente sofítase nel aforru, na sobroesplotación de los recursos homanos y materiales que se tienen agora, na improvisación, nel despotismu llaboral y nel espreciu a los sirvicios públicos.
- El PSOE y Barbón nun apuesten por una Sanidá Pública Asturiana de calidá.
- N’Andecha Astur sí.
