David Rivas participa na nuesa campaña por un turismu caltenible, respetuosu col mediu ambiente y la identidá asturiana
Esti branu los esfuercios de la militancia d’Andecha Astur centráronse en presentar una propuesa de nueva llei del Turismu, guetando un modelu caltenible y respetuosu col mediu ambiente y la nuesa tradición, amás de la implantación d’una ecotasa que revierta nos conceyos afeutaos pola actividá turística.
Va finando agostu y a esta campaña sol turismu aína-y daremos acabu. Pero empobinamos haza esi fin de la meyor manera posible, coles reflexones posaes y siempres acertaes de David Rivas, profesor universitariu, collaciu y hai tiempu candidatu d’Andecha Astur a la presidencia’l Gobiernu asturianu.
El profesor universitariu David Rivas fae una de les aportaciones más relevantes de cuantos argumentos se punxeron enriba la mesa pa defender un nueu modelu turísticu p’Asturies: sedría fasta más rentable económicamente. Naguamos porque, anque sólo seya por esto, l’alderique social que tenemos abiertu n’Asturies sol turismu fine cola sensatez que recueye la nuesa propuesta de llei.
Primero, ufrimos la entrevista en formatu vídeu:
Pero tamién la pues lleer nel propiu blog de David Rivas, al qu’agradecemos, comu siempres, la so collaboración y les sos intelixentes aportaciones.
«Un turismu caltenible social y culturalmente ye más rentable»
