Denunciamos que la baxada de los importes percibíos se faiga ensin previu avisu y teniendo en cuenta namás los ingresos del añu 2020
Dende Andecha Astur consideramos inaceutable dafechu la decisión de “regularizar” los importes a percibir en conceutu d’Ingresu Mínimu Vital en función de la declaración de la renta fecha nel 2021, ello ye, venceyando’l drechu a cobru d’esta prestación mínima básica a la esistencia d’ingresos familiares dos años anantes.
Dende la so puesta en marcha, l’IMV adolez de series deficiencies, tantu nel procesu y plazos de tramitación comu na ruindá de los importes, la falta d’información que carecen los beneficiarios y les restricciones que supón a la hora de garrar un trabayu temporal.
Sicasí, la so esistencia ye’l mediu de vida pa más de 20.000 asturianos, munchos de los que se vieron forciaos a dexar el SSB, una aida de calter asturianu más estable y segura.
Poro, ye inasumible la repentina baxada o anulación de la mesma, ensin previu avisu, a bona parte d’eses persones, por muncho que l’alministración s’escude en que acordies a los sos ingresos del 2020 nun tienen drechu a la prestación.
Poro, sofitamos los manifestamientos que tendrán llugar el día 31 d’avientu en 15 conceyos asturianos y animamos a asistir en sofitu d’esti coleutivu, el más económicamente vulnerable de la sociedá asturiana.
Yo soy de Caja Rural y aún no he cobrado mis 71 € estoy cobrando 450 de paro pago 300 de renta y me quedan 3 € en el banco mañana es Nochevieja ya me dirás tú la entrada de año que me espera
Ye llamentable, María Luisa, non solo nos paguen una miseria sinón que nos tienen nuna situación de desinformación y dependencia costantes, cola angustia que representa. El gobiernu d’Asturies sigue sin mover ficha, aceutando tolo que manden de Madrid, y nun va mover un deu por nosotros.
Por eso ye tan importante que nos xunamos y defendamos los nuesos drechos de forma organizada… y qué tengamos claro quienes nos defienden y quienes nos ponen la zancadiella.