Andecha Astur comparte colos trabayaores de CSI y CCOO d’Arcelor Mittal qu’esisten razones suficientes y de pesu pa movilizase’n defensa los drechos de la plantilla y el futuru la empresa, polo que sofitamos el so determín de covocar fuelgues y movilizaciones na defensa los sos intereses.
- Ye normal que nun se sientan seguros con un conveniu colleutivu que nun ta nin siquier espublizáu nel BOPA.
- Énte la incertidume de cómu s’aplicarán los contratos relevu, hai que desixir el cumplimientu total d’estos contratos pa los ñacíos en 1960 y 1961.
- Nun se puen compartir los planes de futuru de la empresa, afitaos nel xorrecimientu esprés de la productividá, la polivalencia llaboral y la redución de plantilla (ente 800 y 1000 puestos direutos menos).
- Debe lluchase escontra la falta compromisu colos eventuales que nun tán en plantilla y colos que nun algamen un contratu relevu, condergaos a la precarización.
- Nun ye d’almitir que se venda comu un llogru una xuba salarial pautáu yá dende 2019, qu’amás resulta insuficiente énte la carestía la vida que carecemos, mentantu la empresa xenera beneficios descomanaos.
- Tien de dase una negociación colos trabayaores de les consecuencies del Plan de Descarbonización, asina comu la negociación de los planes industriales y sociales de la empresa.
Al mesmu tiempu Andecha Astur denuncia’l llamentable papel de testigu inactivu que ta desendolcando’l Gobiernu d’Asturies. Sometíos dafechu a los intereses de la patronal, Adrián Barbón y el so reprobáu Conseyeru d’Industria nun presenten iniciativa dala pa iguar el conflictu, pa garantizar los drechos de los trabayaores nin p’asegurar la viabilidá futura de la empresa.
Facemos llegar a los trabayaores de CSI y CCOO d’Arcelor un abrazu solidariu y señalámoslos comu dignu exemplu de l’Asturies que tien futuru, porque Asturies sálvase lluchando.
