¡Otra Asturies ye Posible!

Concentración xunitaria nel Díi de la Nación Asturiana dellantre la Xunta Xeneral

El prósimu 8 setiembre, a les 12 del meudíi, les asturianes/os tenemos un compromisu col nuesu país, defender la necesidá d’otra Asturies que respuenda a les nuesos drechos y necesidaes como pueblu y como presones.

Siguiendo l’espíritu que vien allantrando Andecha Astur nos postreros tiempos, trátase d’una movilización xunitaria na que se prioriza la convocatoria conxunta de les organizaciones perriba de la identidá de cauna d’elles. Ello asina, anque la movilización ta convocá por Andecha Astur, Corriente Sindical d’Izquierda –CSI-, Mocedá Comunista, JCE M-L, FAMYR y Asamblea Republicana d’Uviéu, el cartelu apaez ensin firma pa que naide nun puea sentise escluyíu de la convocatoria, y col enfotu d’avanzar nun frente común asturianu y d’izquierda que permita ufrir al pueblu asturianu una alternativa viable y transformadora socialmente, precisamente p’avanzar nuna Asturies onde les asturianes y asturianos puedan vivir con dignidá, siendo dueños y protagonistes del so destín en llibertá y democracia.

Por eso, esti 8 setiembre llama a tola sociedá asturiana a superar desenfotos y contribuyir a dar puxu a l’Asturies roxa, l’Asturies verdi, l’Asturies violeta, l’Asturies multicollor que ye posible y que queremos pal nuesu futuru inmediatu. Pa revitalizar esa Asturies y pa comprometemos con ella una vegá más y entá con más puxu.

¡El Díi de la Nación Asturiana, a les 12 hores, n’Uviéu, dellantre la Xunta Xeneral!