Andecha Astur llama a participar nes movilizaciones d’estos díes escontra la visita los Borbones a Asturies, con motivu la entrega los Premios Princesa, especialmente na tradicional concentración na Plaza La Escandalera.
Esti vienres, 28 d’ochobre de 2022, va cellebrase una nuea edición de la entrega de los humildantes Premios Princesa, colos que se pretende dar puxu y credibilidá a la monaquía española n’Asturies, al tiempu que blanquiar qu’esta casa rial ocupe poder sólo por ser heredera del franquismu.
Andecha Astur fai un llamáu a la sociedá asturiana pa qu’esprese la so refuga a tala istitución y participe en toles movilizaciones que se convoquen escontra la presencia de la monarquía española n’Asturies y escontra los mesmos premios, que costitúin un auténticu insultu a Asturies y al Pueblu Asturianu: Asturies nun tien rei, nin princesa.
Mui concretamente, Andecha Astur llama a participar na tradicional convocatoria que se fai esti vienres, 28 d’ochobre, na Plaza La Escandalera, n’Uviéu, a les 17:30 h., pa recibir a los monarques a les puertes del Teatru Campoamor.
