Andecha Astur convita a toles Cofradíes de Pescaores d’Asturies a disixir una moratoria eólica al Gobiernu de Barbón
El Rial Decretu 150/2023, pol que l’Estáu español regula zones d’esplotación eólica na mar asturiana mesmamente dientru de reserves pal caltenimientu la biodiversidá marina, agravó notablemente’l conflictu que yá esistía n’Asturies porque pronto habrá nos sos montes 76 parques eólicos foncionando.
Por eses razones, ente otres, Andecha Astur entamó hai poco una campaña de recoyía firmes en Change.org pidiendo una moratoria eólica n’Asturies. Y agora vien de dirixise a toles Cofradíes de Pescaores asturianes pa que se sumen a esi mesmu pídíu.
Les Cofradíes de Pescaores deberíen ser les primeres interesaes n’algamar esa moratoria, porque dalgunos de los efeutos que tendría la esplotación marítima de la enerxía eólica nel ecosistema marín faen qu’esta actividá, al nuesu paicer, cumpla les condiciones pa ser declará actividá industrial contaminante, acordies col conceutu de contaminación que regula la vixente Llei 41/2010, de 29 d’avientu, de proteición del mediu marín (BOE n. 317, de 30/12/2010).
Nel artículu 4, lletra f, d’esta llei que contaminación marítima ye “toda introducción directa o indirecta en el medio marino de sustancias o energías como consecuencia de la actividad humana, incluidas las fuentes sonoras submarinas, que provoquen o puedan provocar efectos nocivos, como perjuicios a los recursos vivos y a los ecosistemas marinos –incluida la pérdida de biodiversidad–, riesgos para la salud humana, obstáculos a las actividades marítimas, especialmente a la pesca, al turismo, a las actividades de ocio y demás usos permitidos del mar, así como alteraciones de la calidad de las aguas marinas que limite su utilización y una reducción de su valor recreativo, o en términos generales un menoscabo del uso sostenible de los bienes y servicios marinos, incluidos sus recursos”.
