Con motivu la movilización qu’Asturies Ganadera protagonizó nes cais d’Uviéu, Andecha Astur anuncia que soscribe dafechu’l nomáu “Contratu rural”, presentáu y defendíu poles principales agrupaciones asturianes de trabayaores del campu (Unión Rural Asturiana, Unión de Campesinos Asturianos, Unión de Sectoriales Agrarias de Asturies, Coordinador de Agricultores y Ganaderos y la Asociación Agraria de Jóvenes Agricultores).
Creyemos necesario que la prósima Xunta Xeneral que se costituya n’Asturies tien de…
- Tornar los montes comunales a les comunidaes vecinales, que son los sos propietarios tradicionales.
- Aprebar una nuea Llei d’Usu y Proteición de los Montes, aniciando una xestión eficaz, participativa y democrática de los montes y les biesques, una nuea xestión forestal.
- Dar cumplimientu a la Llei de la Cadena Allimentaria, mentantu nun se desenrolle una nuea normativa asturiana pa la proteición de la produción allimentaria, asina comu d’estímulu del coperativismu y de los mercaos tradicionales.
- Diseñar, con participación social, una nuea política y nueu modelu de xestión de los daños causaos pola fauna xabaz.
- Asegurar que la fastera rural, especialmente la más alloñá del centru d’Asturies, disponga de prestaciones y sirvicios públicos eficaces y de calidá: sanidá, enseñu, atención sociosanitaria, comunicaciones, tresporte, coneutividá dixital, xestión alministrativa…
- Entamar, con participación del asociacionismu del seutor, una plataforma siguimientu del cumplimientu d’esti “Contratu rural”.
Andecha Astur remembra qu’estes siete midíes de proteicón de l’actividá agropecuaria asturiana taben yá incluyíes, xunto con otres más, nel nuesu programa elleutoral, un programa col que, CONTIGO, conseguiremos esa Asturies pa toes que mos pruye.
