Énte la esperiencia d’otres convocatories nes que foren retiraes de les meses elleutorales, solicítase información de cualisquier anomalía al teléfonu/Whatsapp 623 30 86 82
Andecha Astur pide la collaboración de militantes, simpatizantes y demócrates en xeneral pa garantizar que les papeletes d’Andecha Astur s’atopen en toles meses elleutorales, incluyíes nes cabines de les mesmes, énte les esperiencies pasaes d’otres convocatories elleutorales en que les nueses papeletes –incluyíes les que tan n’español- foron retiraes de los colexos elleutorales.
El tracamundiu xeneralizáu añu tres añu pola resistencia de les Xuntes Elleutorales a validar les papeletes n’asturianu, y les midíes represives qu’aplica a les mesmes –la impresión cuerre a cargu Andecha Astur, y ta prohibía la presencia de les papeletes n’asturianu nes meses elleutorales, anque seyan válides nel recuentu final- facilita qu’en munches meses nun se sepa esautamente si lo que ta prohibío ye la presencia de papeletes d’Andecha Astur n’asturianu, o cenciellamente les papeletes d’Andecha Astur, lo que xuncío a un determináu sesgu políticu fexo que n’otres convocatories se retirasen toles papeletes d’Andecha Astur de delles meses elleutorales.
Ello asina, solicítase información de cualisquier anomalía al teléfonu/Whatsapp 623 30 86 82 pa torgar na midía lo posible qu’estos fechos tornen repetise.
