Considera que nestos intres lo principal ye avanzar na acumulación de fuercies y nel aniciu d’un frente común asturianu, y nun supeditase a la dinámica política estatal.
Andecha Astur decidió descartar la so presencia nestes elleiciones estatales entendiendo que nestos intres ye prioritariu siguir col nuesu procesu d’acumulación de fuercies y aniciu d’un frente común asturianu, que non nun podemos permitir que seya interrumpíu por una dinámica politica estatal de la que nun esperamos ná y que ca vegada ta más distante de los intereses de los asturianos y asturianes.
P’Andecha Astur esta foi una decisión importante, porque acullá de los resultaos nes elleiciones estatales -siendo éstes xeneralmente les más estimoses en númberu votos- siempres consideró fundamental la esistencia d’una alternativa asturiana d’esquierda en tolos procesos elleutorales. Sicasí, nesti intre, y tres una fonda reflexón y analís de la situación actual, lleguemos a la concluxón de que ye preciso establecer prioridaes, y faelo como siempres fiximos, en función de los intereses d’Asturies, qu’agora mesmo pasen necesariamente pol anciu d’un frente asturianu d’esquierda amplia y tresformadora qu’articule les distintes propuestes y sensibilidaes esistentes nel nuesu país.
Ye por ello polo que non solo nun vamos participar nestes elleiciones del 23 J, sinón que tampoco nun vamos intervenir ‘dende fora’ nel desendolcu de les mesmes, y vamos siguir cola nuesa propia dinámica, pidiendo a militantes y simpatizantes un esfuerciuu suplementariu p’avanzar nel referíu procesu d’acumulación de fuercies y d’aniciu d’un frente asturianu.
Nesi sen, tamién consideramos fundamental qu’Andecha Astur siga participando con enfotu na plataforma de xunidá d’aición social que representa ‘Asturies Insumisa`. Porque sabemos valorar afayaízamente la importancia que, güei más que nunca, tienen les ferramientes movilizaores que persiguen retomar la presencia nes cais pa defender los drechos que tenemos como clas y como pueblu.
Tantu nel ámbetu políticu como nel social, Andecha Astur reitera la so dimposición absoluta, continua y constante a algamar a alcuerdos col conxuntu presones y organizaciones d’esquierda progresista que tean a Asturies como marcu específicu d’actuación.
