Actu d’Andecha Astur en Teberga, col que se presenta’l conceyu de la organización, nel qu’intervendrá David M. Rivas con una Charra-Alderique sobro la Soberanía entendía como conceutu xeneral d’aplicación llocal.
L’actu tendrá llugar el sábadu 30 xineru a les 18 hores na Casa Cultura Teberga, y sedrá tamién la presentación del conceyu d’Andecha Astur nesos conceyos del surocidente asturianu.
David M. Rivas defenderá na so Charra-Alderique, la soberanía alimentaria, comu’l drechu de los pueblos a definir les sos propies polítiques y estratexes caltenibles de produición, distribuición y consumu d’alimentos con base na piqueña y mediana producción, la soberanía enerxética en tantu la capacidá d’un país pa controlar los sos propios recursos enerxéticos y satisfacer la so demanda d’enerxía, de forma caltenible, y la soberanía política asturiana, imprescindible pa garantizar les previes, darréu que supón la capacidá del pueblu asturianu pa tomar llibremente les decisiones polítiques internes en función de les sos propies rialidaes y llexítimos intereses ensin dependencia esterior.
Tres la so intervención darase pasu a un alderique abiertu ente los asistentes, pa esclariar conceutos, y pa estudiar estratexes concretes d’actuación que seyan valibles p’avanzar nesta soberanía
