Frente la menacia de la ultraderecha, más drechos y más izquierda, tamién n’Europa.
Ayeri tuvo llugar la robla del manifiestu d’Agora Repúbliques, coallición elleutoral que xunce les fuercies del soberanismu d’izquierda del Estáu español, y na que participen xunto con Andecha Astur: ERC, EH Bildu, BNG, Ara Més, Ahora Canarias, Puyalon y Esquerra Valenciana, amás d’ Anova, Comunistes de Catalunya y EUiA.
Pola democracia, los drechos y les llibertaes, Agora Repúbliques
Énte una Europa qu’afronta l’ascensu de la estrema drecha, el retornu de les polítiques d’austeridá y la menacia del cambiu climático, Agora Repúbliques ye una allianza comprometía cola defensa de los drechos sociales y llaborales, con un modelu de sociedá solidariu, feminista, abiertu, ecoloxista y democráticu pa defender y conquistar tolos nuesos drechos como presones y como pueblos.
Defendemos el drechu al autodetermín como motor d’una Europa de naciones llibres ya iguales, la fortaleza y l’impuLsu de la llingua y la cultura de los nuesos países, un estáu del bientar que garantice oportunidaes y drechos a les nueses sociedaes. Una Europa qu’actúe de manera afayaíza a les diverses rialidaes, que reconoza la insularidá como ellementu diferencial. Una Europa verde y xusta.
Defendemos un mocelu de sociedá qu’incentive’l texÍu productivu ya industrial, l’anovación y el desendolcu; que permita a la mocedá criar y desendolcar el so propiu futuru y que curie’l presente y futuru de los nuesoS mayores. Un modelu de sociedá que promueva y garantice la bayura cultural y llingüística de los pueblos, internacionalista y pacifista: que promueva un modelu de desendolcu xustu y verde, que defenda’l mediu ambiente y lluche escontra’l cambiu climáticu; un modelu de sociedá que nun preslle fronteres a los que namás busquen un futuru dignu; un modelu de sociedá que combata’l facismu y la xenofobia.
Pola democracia, los drechos y les llibertaes, Pola defensa de los nuesos pueblos y les sos xentes, Agora Repúbliques
